সূক্ত 18

18.1

অধ্যাত্ম-প্রকরণম্। ১-৫ অথর্বা। অধ্যাত্মং, ব্রাত্যঃ। ১ দৈবী পঙ্ক্তিঃ, ২-৩ আর্চী বৃহতী, ৪ আর্চী অনুষ্টুপ্, ৫ সাম্নী উষ্ণিক্।

তস্য ব্রাত্যস্য ॥১॥

18.2

যদস্য দক্ষিণমক্ষ্যসৌ স আদিত্যো যদস্য সব্যমক্ষ্যসৌ স চন্দ্রমাঃ ॥২॥

18.3

যোঽস্য দক্ষিণঃ কর্ণোঽয়ং সো অগ্নির্যোঽস্য সব্যঃ কর্ণোঽয়ং স পবমানঃ ॥৩॥

18.4

অহোরাত্রে নাসিকে দিতিশ্চাদিতিশ্চ শীর্ষকপালে সংবত্সরঃ শিরঃ ॥৪॥

18.5

অহ্না প্রত্যঙ্ ব্রাত্যো রাত্র্যা প্রাঙ্ নমো ব্রাত্যায় ॥৫॥