সূক্ত 35

35.1

দীর্ঘায়ুঃপ্রাপ্তিঃ। ১-৪ অথর্বা(আয়ুষ্কামঃ)। হিরণ্যম্, ইন্দ্রাগ্নী, বিশ্বে দেবাঃ। জগতী, ৪ অনুষ্টুব্গর্ভা চতুষ্পদা ত্রিষ্টুপ্।

যদাবধ্নন্ দাক্ষায়ণা হিরণ্যং শতানীকায় সুমনস্যমানাঃ ।
তৎ তে বধ্নাম্যায়ুষে বর্চসে বলায় দীর্ঘায়ুত্বায় শতশারদায় ॥১॥

35.2

নৈনং রক্ষাংসি ন পিশাচাঃ সহন্তে দেবানামোজঃ প্রথমজং হ্যেতৎ।
যো বিভর্তি দাক্ষায়ণং হিরণ্যং স জীবেষু কৃণুতে দীর্ঘমায়ুঃ ॥২॥

35.3

অপাং তেজো জ্যোতিরোজো বলং চ বনস্পতীনামুত বীর্যাঽণি ।
ইন্দ্র ইবেন্দ্রিয়াণ্যধি ধারয়ামো অস্মিন্ তদ্ দক্ষমাণো বিভরদ্ধিরণ্যম্ ॥৩॥

35.4

সমানাং মাসামৃতুভিষ্ট্বা বয়ং সংবত্সরস্য পয়সা পিপর্মি ।
ইন্দ্রাগ্নী বিশ্বে দেবাস্তেঽনু মন্যন্তামহৃণীয়মানাঃ ॥৪॥