সূক্ত 3

3.1

মূত্রমোচনম্। ১-৯ অথর্বা। ১ পর্জন্যঃ, ২ মিত্রঃ, ৩ বরুণঃ, ৪ চন্দ্রঃ, ৫ সূর্যঃ, (১-৯ মূত্রমোচনম্)। অনুষ্টুপ্, ১-৫ পথ্যাপঙ্ক্তিঃ।

বিদ্মা শরস্য পিতরং পর্জন্যং শতবৃষ্ণ্যম্ ।
তেনা তে তন্বে৩শং করং পৃথিব্যাং তে নিষেচনং বহিষ্টে অস্তু বালিতি ॥১॥

বিদ্মা শরস্য পিতরং মিত্রং শতবৃষ্ণ্যম্ ।
তেনা তে তন্বে৩ শং করং পৃথিব্যাং তে নিষেচনং বহিষ্টে অস্তু বালিতি ॥২॥

বিদ্মা শরস্য পিতরং বরুণং শতবৃষ্ণ্যম্ ।
তেনা তে তন্বে৩ শং করং পৃথিব্যাং তে নিষেচনং বহিষ্টে অস্তু বালিতি ॥৩॥

বিদ্মা শরস্য পিতরং চন্দ্রং শতবৃষ্ণ্যম্ ।
তেনা তে তন্বে৩ শং করং পৃথিব্যাং তে নিষেচনং বহিষ্টে অস্তু বালিতি ॥৪॥

বিদ্মা শরস্য পিতরং সূর্যং শতবৃষ্ণ্যম্ ।
তেনা তে তন্বে৩ শং করং পৃথিব্যাং তে নিষেচনং বহিষ্টে অস্তু বালিতি ॥৫॥

যদান্ত্রেষু গবীন্যোর্যদ্বস্তাবধি সংশ্রুতম্ ।
এবা তে মূত্রং মুচ্যতাং বহির্বালিতি সর্বকম্ ॥৬॥

প্র তে ভিনদ্মি মেহনং বর্ত্রং বেশন্ত্যা ইব ।
এবা তে মূত্রং মুচ্যতাং বহির্বালিতি সর্বকম্ ॥৭॥

বিষিতং তে বস্তিবিলং সমুদ্রস্যোদধেরিব ।
এবা তে মূত্রং মুচ্যতাং বহির্বালিতি সর্বকম্ ॥৮॥

যথেষুকা পরাপতদবসৃষ্টাধি ধন্বনঃ ।
এবা তে মূত্রং মুচ্যতাং বহির্বালিতি সর্বকম্ ॥৯॥