সূক্ত 25

25.1

জ্বর-নাশনম্। ১-৪ ভৃগ্বঙ্গিরাঃ । যক্ষ্মনাশনোঽগ্নিঃ। ত্রিষ্টুপ্,২-৩ বিরাড্ গর্ভা, ৪পুরোঽনুষ্টুপ্।

যদগ্নিরাপো অদহৎ প্রবিশ্য যত্রাকৃণ্বন্ ধর্মধৃতো নমাংসি ।
তত্র ত আহুঃ পরমং জনিত্রং স নঃ সংবিদ্বান্ পরি বৃঙ্গ্ধি তক্মন্ ॥১॥

যদ্যর্চির্যদি বাসি শোচিঃ শকল্যেষি যদি বা তে জনিত্রম্।
হ্রূডুর্নামাসি হরিতস্য দেব স নঃ সংবিদ্বান্ পরি বৃঙ্গ্ধি তক্মন্ ॥২॥

যদি শোকো যদি বাভিশোকো যদি বা রাজ্ঞো বরুণস্যাসি পুত্রঃ ।
হ্রূডুর্নামাসি হরিতস্য দেব স নঃ সংবিদ্বান্ পরি বৃঙ্গ্ধি তক্মন্ ॥৩॥

নমঃ শীতায় তক্মনে নমো রূরায় শোচিষে কৃণোমি ।
যো অন্যেদ্যুরুভয়দ্যুরভ্যেতি তৃতীয়কায় নমো অস্তু তক্মনে ॥৪॥