शुक्ल यजुर्वेद (काण्व) 23.41

होता॑ यक्षद॒ग्निᳪ स्वाहाज्य॑स्य स्तो॒काना॒ᳪ स्वाहा॒ मेद॑सां॒
पृथ॒क् स्वाहा॒ छाग॑म॒श्विभ्या॒ᳪ स्वाहा॑ मे॒षᳪ सर॑स्वत्यै ।
स्वाह॑ ऋष॒भमिन्द्रा॑य सि॒ᳪहाय॒ सह॑स इन्द्रि॒यᳪ स्वाहा॒ग्निं न भे॑ष॒जᳪ स्वाहा॒ सोम॑मिन्द्रि॒यम् ।
स्वाहेन्द्र॑ᳪ सु॒त्रामा॑णᳪ सवि॒तारं॒ वरु॑णं भि॒षजां॒ पति॒ᳪ स्वाहा॒ वन॒स्पतिं॑ प्रि॒यं पाथो॒ न भे॑ष॒जम् ।
स्वाहा॑ दे॒वा आ॑ज्य॒पा जु॑षा॒णो अ॒ग्निर्भे॑ष॒जं पयः॒ सोमः॑
परि॒स्रुता॑ घृ॒तं मधु॒ व्यन्त्वाज्य॑स्य॒ होत॒र्यज॑ ॥१२॥

पूरा अध्याय