सूक्त 9

9.1

आत्मा १-८ ब्रह्म। वास्तोष्पतिः, आत्मा। १,५ दैवी बृहती, २, ६ दैवी त्रिष्टुप्, ३, ४ दैवी जगती, ७ विराडुष्णिग्बृहतीगर्भा पञ्चपदा जगती, ८ पुरस्कृतित्रिष्टुब्बृहतीगर्भा चतुष्पदा त्र्यवसाना जगती।

दि॒वे स्वाहा॑ ॥१॥

9.2

पृ॒थि॒व्यै स्वाहा॑ ॥२॥

9.3

अ॒न्तरि॑क्षाय॒ स्वाहा॑ ॥३॥

9.4

अ॒न्तरि॑क्षाय॒ स्वाहा॑ ॥४॥

9.5

दि॒वेस्वाहा॑ ॥५॥

9.6

पृ॒थि॒व्यै स्वाहा॑ ॥६॥

9.7

सूर्यो॑ मे॒ चक्षु॒र्वातः॑ प्रा॒णो॒३न्तरि॑क्षमा॒त्मा पृ॑थि॒वी शरी॑रम्।
अ॒स्तृ॒तो नामा॒हम॒य म॑स्मि॒ स आ॒त्मानं॒ नि द॑धे॒ द्यावा॑पृथि॒वीभ्यां॑ गोपी॒थाय॑ ॥७॥

9.8

उदायु॒रुद् बल॒मुत् कृ॒तमुत् कृ॒त्यामुन्म॑नी॒षामुदि॑न्द्रि॒यम्।
आयु॑ष्कृ॒दायु॑ष्पत्नी॒ स्वधा॑वन्तौ गो॒पा मे॑ स्तं गोपा॒यतं॑ मा ।
आ॒त्म॒सदौ॑ मे स्तं॒ मा॑ हिंसिष्टम् ॥८॥