UtshovAdhyaya 16
16.1
नम॑स्ते रुद्र म॒न्यव॑ उ॒तो त॒ इष॑वे॒ नम॑ः । बा॒हुभ्या॑मु॒त ते॒ नम॑ः ॥१॥
Namaste rudra manyava uto ta ishave namah, bahubhyamuta te namah
16.2
या ते॑ रुद्र शि॒वा त॒नूरघो॒राऽपा॑पकाशिनी । तया॑ नस्त॒न्वा शन्त॑मया॒ गिरि॑शन्ता॒भि चा॑कशीहि ॥२॥
Ya te rudra shiva tanuraghorapapakashini, taya nastanva shantamaya girishantabhi chakashihi
16.3
यामिषुं॑ गिरिशन्त॒ हस्ते॑ बि॒भर्ष्यस्त॑वे । शि॒वां गि॑रित्र॒ तां कु॑रु॒ मा हि॑ᳪसी॒ः पुरु॑षं॒ जग॑त् ॥३॥
Yamishum girishanta haste bibharshyastave, shivam giritra tam kuru ma hinsih purusham jagat
16.4
शि॒वेन॒ वच॑सा त्वा गिरि॒शाच्छा॑ वदामसि । यथा॑ न॒ः सर्व॒मिज्जग॑दय॒क्ष्मᳪ सु॒मना॒ अस॑त् ॥४॥
Shivena vachasa tva girishachchha vadamasi, yatha nah sarvamijjagadayakshmam sumana asat
16.5
अध्य॑वोचदधिव॒क्ता प्र॑थ॒मो दैव्यो॑ भि॒षक् ।
अहीँ॑श्च॒ सर्वा॑ञ्ज॒म्भय॒न्त्सर्वा॑श्च यातुधा॒न्यो॒ऽध॒राची॒ः परा॑ सुव ॥५॥
Adhyavochadadhivakta prathamo daivyo bhishak
Ahinshcha sarvanjambhayantsarvashcha yatudhanyodharachih para suva
16.6
असौ॒ यस्ता॒म्रो अ॑रु॒ण उ॒त ब॒भ्रुः सु॑म॒ङ्गल॑ः ।
ये चै॑नᳪ रु॒द्रा अ॒भितो॑ दि॒क्षु श्रि॒ताः स॑हस्र॒शोऽवै॑षा॒ᳪ हेड॑ ईमहे ॥६॥
Asau yastamro aruna uta babhruh sumangalah
Ye chainam rudra abhito dikshu shritah sahasrashovaisham heda imahe
16.7
असौ॒ यो॑ऽव॒सर्प॑ति॒ नील॑ग्रीवो॒ विलो॑हितः । उ॒तैनं॑ गो॒पा अ॑दृश्र॒न्नदृ॑श्रन्नुदहा॒र्यः स दृ॒ष्टो मृ॑डयाति नः ॥७॥
Asau yovasarpati nilagrivo vilohitah, utainam gopa adrishrannadrishrannudaharyah sa drishto mridayati nah
16.8
नमो॑ऽस्तु॒ नील॑ग्रीवाय सहस्रा॒क्षाय॑ मी॒ढुषे॑ । अथो॒ ये अ॑स्य॒ सत्वा॑नो॒ऽहं तेभ्यो॑ऽकरं॒ नम॑ः ॥८॥
Namostu nilagrivaya sahasrakshaya midhushe, atho ye asya satvanoham tebhyokaram namah
16.9
प्रमु॑ञ्च॒ धन्व॑न॒स्त्वमु॒भयो॒रार्त्न्यो॒र्ज्याम् । याश्च॑ ते॒ हस्त॒ इष॑व॒ः परा॒ ता भ॑गवो वप ॥९॥
Pramuncha dhanvanastvamubhayorartnyorjyam, yashcha te hasta ishavah para ta bhagavo vapa
16.10
विज्यं॒ धनु॑ः कप॒र्दिनो॒ विश॑ल्यो॒ वाण॑वाँ२ उ॒त । अने॑शन्नस्य॒ या इष॑व आ॒भुर॑स्य निषङ्ग॒धिः ॥१०॥
Vijyam dhanuh kapardino vishalyo vanavan2 uta, aneshannasya ya ishava abhurasya nishangadhih
16.11
या ते॑ हे॒तिर्मी॑ढुष्टम॒ हस्ते॑ ब॒भूव॑ ते॒ धनु॑ः । तया॒ऽस्मान्वि॒श्वत॒स्त्वम॑य॒क्ष्मया॒ परि॑ भुज ॥११॥
Ya te hetirmidhushtama haste babhuva te dhanuh, tayasmanvishvatastvamayakshmaya pari bhuja
16.12
परि॑ ते॒ धन्व॑नो हे॒तिर॒स्मान्वृ॑णक्तु वि॒श्वत॑ः । अथो॒ य इ॑षु॒धिस्तवा॒रे अ॒स्मन्नि धे॑हि॒ तम् ॥१२॥
Pari te dhanvano hetirasmanvrinaktu vishvatah, atho ya ishudhistavare asmanni dhehi tam
16.13
अ॒व॒तत्य॒ धनु॒ष्ट्वᳪ सह॑स्राक्ष॒ शते॑षुधे । नि॒शीर्य॑ श॒ल्यानां॒ मुखा॑ शि॒वो न॑ः सु॒मना॑ भव ॥१३॥
Avatatya dhanushtvam sahasraksha shateshudhe, nishirya shalyanam mukha shivo nah sumana bhava
16.14
नम॑स्त॒ आयु॑धा॒याना॑तताय धृ॒ष्णवे॑ । उ॒भाभ्या॑मु॒त ते॒ नमो॑ बा॒हुभ्यां॒ तव॒ धन्व॑ने ॥१४॥
Namasta ayudhayanatataya dhrishnave, ubhabhyamuta te namo bahubhyam tava dhanvane
16.15
मा नो॑ म॒हान्त॑मु॒त मा नो॑ अर्भ॒कं मा न॒ उक्ष॑न्तमु॒त मा न॑ उक्षि॒तम् ।
मा नो॑ वधीः पि॒तरं॒ मोत मा॒तरं॒ मा न॑ः प्रि॒यास्त॒न्वो॒ रुद्र रीरिषः ॥१५॥
Ma no mahantamuta ma no arbhakam ma na ukshantamuta ma na ukshitam
Ma no vadhih pitaram mota mataram ma nah priyastanvo rudra ririshah
16.16
मा न॑स्तो॒के तन॑ये॒ मा न॒ आयु॑षि॒ मा नो॒ गोषु॒ मा नो॒ अश्वे॑षु रीरिषः ।
मा नो॑ वी॒रान् रु॑द्र भा॒मिनो॑ वधीर्ह॒विष्म॑न्त॒ः सद॒मित् त्वा॑ हवामहे ॥१६॥
Ma nastoke tanaye ma na ayushi ma no goshu ma no ashveshu ririshah
Ma no viran rudra bhamino vadhirhavishmantah sadamit tva havamahe
16.17
नमो॒ हिर॑ण्यबाहवे सेना॒न्ये॒ दि॒शां च॒ पत॑ये॒ नमो॒ नमो॑ वृ॒क्षेभ्यो॒ हरि॑केशेभ्यः पशू॒नां पत॑ये॒ नमो॒ नम॑ः श॒ष्पिञ्ज॑राय॒ त्विषी॑मते पथी॒नां पत॑ये॒ नमो॒ नमो॒ हरि॑केशायोपवी॒तिने॑ पु॒ष्टानां॒ पत॑ये॒ नम॑ः ॥१७॥
Namo hiranyabahave senanye disham cha pataye namo namo vrikshebhyo harikeshebhyah pashunam pataye namo namah shashpinjaraya tvishimate pathinam pataye namo namo harikeshayopavitine pushtanam pataye namah
16.18
नमो॑ बभ्लु॒शाय॑ व्या॒धिने ऽन्ना॑नां॒ पत॑ये॒ नमो॒ नमो॑ भ॒वस्य॑ हेत्यै॒ जग॑तां॒ पत॑ये॒ नमो॒ नमो॑ रु॒द्राया॑तता॒यिने॒ क्षेत्रा॑णां॒ पत॑ये॒ नमो॒ नम॑ः सू॒तायाह॑न्त्यै॒ वना॑नां॒ पत॑ये॒ नम॑ः ॥१८॥
Namo babhlushaya vyadhine nnanam pataye namo namo bhavasya hetyai jagatam pataye namo namo rudrayatatayine kshetranam pataye namo namah sutayahantyai vananam pataye namah
16.19
नमो॒ रोहि॑ताय स्थ॒पत॑ये वृ॒क्षाणां॒ पत॑ये॒ नमो॒ नमो॑ भुव॒न्तये॑ वारिवस्कृ॒तायौष॑धीनां॒ पत॑ये॒ नमो॒ नमो॑ म॒न्त्रिणे॑ वाणि॒जाय॒ कक्षा॑णां॒ पत॑ये॒ नमो॒ नम॑ उ॒च्चैर्घो॑षायाक्र॒न्दय॑ते पत्ती॒नां पत॑ये॒ नम॑ः ॥१९॥
Namo rohitaya sthapataye vrikshanam pataye namo namo bhuvantaye varivaskritayaushadhinam pataye namo namo mantrine vanijaya kakshanam pataye namo nama uchchairghoshayakrandayate pattinam pataye namah
16.20
नम॑ः कृत्स्नाय॒तया॒ धाव॑ते॒ सत्व॑नां॒ पत॑ये॒ नमो॒ नम॒ः सह॑मानाय निव्या॒धिन॑ आव्या॒धिनी॑नां॒ पत॑ये॒ नमो॒ नमो॑ निष॒ङ्गिणे॑ ककु॒भाय॑ स्ते॒नानां॒ पत॑ये॒ नमो॒ नमो॑ निचे॒रवे॑ परिच॒रायार॑ण्यानां॒ पत॑ये॒ नम॑ः ॥२०॥
Namah kritsnayataya dhavate satvanam pataye namo namah sahamanaya nivyadhina avyadhininam pataye namo namo nishangine kakubhaya stenanam pataye namo namo nicherave paricharayaranyanam pataye namah
16.21
नमो॒ वञ्च॑ते परि॒वञ्च॑ते स्तायू॒नां पत॑ये॒ नमो॒ नमो॑ निष॒ङ्गिण॑ इषुधि॒मते॒ तस्क॑राणां॒ पत॑ये॒ नमो॒ नम॑ः सृका॒यिभ्यो॒ जिघा॑ᳪसद्भ्यो मुष्ण॒तां पत॑ये॒ नमो॒ नमो॑ऽसि॒मद्भ्यो॒ नक्त॒ञ्चर॑द्भ्यो विकृ॒न्तानां॒ पत॑ये॒ नम॑ः ॥२१॥
Namo vanchate parivanchate stayunam pataye namo namo nishangina ishudhimate taskaranam pataye namo namah srikayibhyo jighansadbhyo mushnatam pataye namo namosimadbhyo naktancharadbhyo vikrintanam pataye namah
16.22
नम॑ उष्णी॒षिणे॑ गिरिच॒राय॑ कुलु॒ञ्चानां॒ पत॑ये॒ नमो॒ नम॑ इषु॒मद्भ्यो॑ धन्वा॒यिभ्य॑श्च वो॒ नमो॒ नम॑ आतन्वा॒नेभ्य॑ः प्रति॒दधा॑नेभ्यश्च वो॒ नमो॒ नम॑ आ॒यच्छ॒द्भ्यो ऽस्य॑द्भ्यश्च वो॒ नम॑ः ॥२२॥
Nama ushnishine giricharaya kulunchanam pataye namo nama ishumadbhyo dhanvayibhyashcha vo namo nama atanvanebhyah pratidadhanebhyashcha vo namo nama ayachchhadbhyo syadbhyashcha vo namah
16.23
नमो॑ विसृ॒जद्भ्यो॒ विध्य॑द्भ्यश्च वो॒ नमो॒ नम॑ः स्व॒पद्भ्यो॒ जाग्र॑द्भ्यश्च वो॒ नमो॒ नम॒ः शया॑नेभ्य॒ आसी॑नेभ्यश्च वो॒ नमो॒ नम॒स्तिष्ठ॑द्भ्यो॒ धाव॑द्भ्यश्च वो॒ नम॑ः ॥२३॥
Namo visrijadbhyo vidhyadbhyashcha vo namo namah svapadbhyo jagradbhyashcha vo namo namah shayanebhya asinebhyashcha vo namo namastishthadbhyo dhavadbhyashcha vo namah
16.24
नम॑ः स॒भाभ्य॑ः स॒भाप॑तिभ्यश्च वो॒ नमो॒ नमोऽश्वे॒भ्यो ऽश्व॑पतिभ्यश्च वो॒ नमो॒ नम॑ आव्या॒धिनी॑भ्यो वि॒विध्य॑न्तीभ्यश्च वो॒ नमो॒ नम॒ उग॑णाभ्यस्तृᳪह॒तीभ्य॑श्च वो॒ नम॑ः ॥२४॥
Namah sabhabhyah sabhapatibhyashcha vo namo namoshvebhyo shvapatibhyashcha vo namo nama avyadhinibhyo vividhyantibhyashcha vo namo nama uganabhyastrinhatibhyashcha vo namah
16.25
नमो॑ ग॒णेभ्यो॑ ग॒णप॑तिभ्यश्च वो॒ नमो॒ नमो॒ व्राते॑भ्यो॒ व्रात॑पतिभ्यश्च वो॒ नमो॒ नमो॒ गृत्से॑भ्यो॒ गृत्स॑पतिभ्यश्च वो॒ नमो॒ नमो॒ विरू॑पेभ्यो वि॒श्वरू॑पेभ्यश्च वो॒ नम॑ः ॥२५॥
Namo ganebhyo ganapatibhyashcha vo namo namo vratebhyo vratapatibhyashcha vo namo namo gritsebhyo gritsapatibhyashcha vo namo namo virupebhyo vishvarupebhyashcha vo namah
16.26
नम॒ः सेना॑भ्यः सेना॒निभ्य॑श्च वो॒ नमो॒ नमो॑ र॒थिभ्यो॑ अर॒तेभ्य॑श्च वो॒ नमो॒ नम॑ः क्ष॒त्तृभ्य॑ः संग्रही॒तृभ्य॑श्च वो॒ नमो॒ नमो॑ म॒हद्भ्यो॑ अर्भ॒केभ्य॑श्च वो॒ नम॑ः ॥२६॥
Namah senabhyah senanibhyashcha vo namo namo rathibhyo aratebhyashcha vo namo namah kshattribhyah sangrahitribhyashcha vo namo namo mahadbhyo arbhakebhyashcha vo namah
16.27
नम॒स्तक्ष॑भ्यो रथका॒रेभ्य॑श्च वो॒ नमो॒ नम॒ः कुला॑लेभ्यः कु॒र्मारे॑भ्यश्च वो॒ नमो॒ नमो॑ निषा॒देभ्य॑ः पु॒ञ्जिष्टे॑भ्यश्च वो॒ नमो॒ नम॑ः श्व॒निभ्यो॑ मृग॒युभ्य॑श्च वो॒ नम॑ः ॥२७॥
Namastakshabhyo rathakarebhyashcha vo namo namah kulalebhyah kurmarebhyashcha vo namo namo nishadebhyah punjishtebhyashcha vo namo namah shvanibhyo mrigayubhyashcha vo namah
16.28
नम॒ः श्वभ्य॒ः श्वप॑तिभ्यश्च वो॒ नमो॒ नमो॑ भ॒वाय॑ च रु॒द्राय॑ च॒ नम॑ः श॒र्वाय॑ च पशु॒पत॑ये च॒ नमो॒ नील॑ग्रीवाय च शिति॒कण्ठा॑य च ॥२८॥
Namah shvabhyah shvapatibhyashcha vo namo namo bhavaya cha rudraya cha namah sharvaya cha pashupataye cha namo nilagrivaya cha shitikanthaya cha
16.29
नम॑ः कप॒र्दिने॑ च॒ व्यु॒प्तकेशाय च॒ नम॑ः सहस्रा॒क्षाय॑ च श॒तध॑न्वने च॒ नमो॑ गिरिश॒याय॑ च शिपिवि॒ष्टाय॑ च॒ नमो॑ मी॒ढुष्ट॑माय॒ चेषु॑मते
च ॥२९॥
Namah kapardine cha vyuptakeshaya cha namah sahasrakshaya cha shatadhanvane cha namo girishayaya cha shipivishtaya cha namo midhushtamaya cheshumate
Cha
16.30
नमो॑ ह्र॒स्वाय॑ च वाम॒नाय॑ च॒ नमो॑ बृह॒ते च॒ वर्षी॑यसे च॒ नमो॑ वृ॒द्धाय॑ च स॒वृधे॑ च॒ नमोऽग्र्या॑य च प्रथ॒माय॑ च ॥३०॥
Namo hrasvaya cha vamanaya cha namo brihate cha varshiyase cha namo vriddhaya cha savridhe cha namogryaya cha prathamaya cha
16.31
नम॑ आ॒शवे॑ चाजि॒राय॑ च॒ नम॒ः शीघ्र्या॑य च॒ शीभ्या॑य च॒ नम॒ ऊर्म्या॑य चावस्व॒न्या॒य च॒ नमो॑ नादे॒याय॑ च॒ द्वीप्या॑य च ॥३१॥
Nama ashave chajiraya cha namah shighryaya cha shibhyaya cha nama urmyaya chavasvanyaya cha namo nadeyaya cha dvipyaya cha
16.32
नमो॑ ज्ये॒ष्ठाय॑ च कनि॒ष्ठाय॑ च॒ नम॑ः पूर्व॒जाय॑ चापर॒जाय॑ च॒ नमो॑ मध्य॒माय॑ चापग॒ल्भाय॑ च॒ नमो॑ जघ॒न्या॒य च बु॒ध्न्या॒य च ॥३२॥
Namo jyeshthaya cha kanishthaya cha namah purvajaya chaparajaya cha namo madhyamaya chapagalbhaya cha namo jaghanyaya cha budhnyaya cha
16.33
नम॒ः सोभ्या॑य च प्रतिस॒र्या॒य च॒ नमो॒ याम्या॑य च॒ क्षेम्या॑य च॒ नम॒ः श्लोक्या॑य चावसा॒न्या॒य च॒ नम॑ उर्व॒र्या॒य च॒ खल्या॑य च ॥३३॥
Namah sobhyaya cha pratisaryaya cha namo yamyaya cha kshemyaya cha namah shlokyaya chavasanyaya cha nama urvaryaya cha khalyaya cha
16.34
नमो॒ वन्या॑य च॒ कक्ष्या॑य च॒ नम॑ः श्र॒वाय॑ च प्रतिश्र॒वाय॑ च॒ नम॑ आ॒शुषे॑णाय चा॒शुर॑थाय च॒ नम॒ः शूरा॑य चावभे॒दिने॑ च ॥३४॥
Namo vanyaya cha kakshyaya cha namah shravaya cha pratishravaya cha nama ashushenaya chashurathaya cha namah shuraya chavabhedine cha
16.35
नमो॑ बि॒ल्मिने॑ च कव॒चिने॑ च॒ नमो॑ व॒र्मिणे॑ च वरू॒थिने॑ च॒ नम॑ः श्रु॒ताय॑ च श्रुतसे॒नाय॑ च॒ नमो॑ दुन्दु॒भ्या॒य चाहन॒न्या॒य च ॥३५॥
Namo bilmine cha kavachine cha namo varmine cha varuthine cha namah shrutaya cha shrutasenaya cha namo dundubhyaya chahananyaya cha
16.36
नमो॑ धृ॒ष्णवे॑ च प्रमृ॒शाय॑ च॒ नमो॑ निष॒ङ्गिणे॑ चेषुधि॒मते॑ च॒ नम॑स्ती॒क्ष्णेष॑वे चायु॒धिने॑ च॒ नम॑ः स्वायु॒धाय॑ च सु॒धन्व॑ने च ॥३६॥
Namo dhrishnave cha pramrishaya cha namo nishangine cheshudhimate cha namastikshneshave chayudhine cha namah svayudhaya cha sudhanvane cha
16.37
नम॒ः स्रुत्या॑य च॒ पथ्या॑य च॒ नम॒ः काट्या॑य च॒ नीप्या॑य च॒ नम॒ः कुल्या॑य च सर॒स्या॒य च॒ नमो॑ नादे॒याय॑ च वैश॒न्ताय॑ च ॥३७॥
Namah srutyaya cha pathyaya cha namah katyaya cha nipyaya cha namah kulyaya cha sarasyaya cha namo nadeyaya cha vaishantaya cha
16.38
नम॒ः कूप्या॑य चाव॒ट्या॑य च॒ नमो॒ वीध्र्या॑य चात॒प्या॒य च॒ नमो॒ मेघ्या॑य च च विद्यु॒त्या॒य च॒ नमो॒ वर्ष्या॑य चाव॒र्ष्याय॑ च ॥३८॥
Namah kupyaya chavatyaya cha namo vidhryaya chatapyaya cha namo meghyaya cha cha vidyutyaya cha namo varshyaya chavarshyaya cha
16.39
नमो॒ वात्या॑य च॒ रेष्म्या॑य च॒ नमो॑ वास्त॒व्या॒य च वास्तु॒पाय॑ च॒ नम॒ः सोमा॑य च रु॒द्राय॑ च॒ नम॑स्ता॒म्राय॑ चारु॒णाय॑ च ॥३९॥
Namo vatyaya cha reshmyaya cha namo vastavyaya cha vastupaya cha namah somaya cha rudraya cha namastamraya charunaya cha
16.40
नम॑ः श॒ङ्गवे॑ च पशु॒पत॑ये च॒ नम॑ उ॒ग्राय॑ च भी॒माय॑ च॒ नमो॑ऽग्रेव॒धाय॑ च दूरेव॒धाय॑ च॒ नमो॑ ह॒न्त्रे च॒ हनी॑यसे च॒ नमो॑ वृ॒क्षेभ्यो॒ हरि॑केशेभ्यो॒ नम॑स्ता॒राय॑ ॥४०॥
Namah shangave cha pashupataye cha nama ugraya cha bhimaya cha namogrevadhaya cha durevadhaya cha namo hantre cha haniyase cha namo vrikshebhyo harikeshebhyo namastaraya
16.41
नम॑ः शम्भ॒वाय॑ च मयोभ॒वाय॑ च॒ नम॑ः शङ्क॒राय॑ च मयस्क॒राय॑ च॒ नम॑ः शि॒वाय॑ च शि॒वत॑राय च ॥४१॥
Namah shambhavaya cha mayobhavaya cha namah shankaraya cha mayaskaraya cha namah shivaya cha shivataraya cha
16.42
नम॒ः पार्या॑य चावा॒र्या॒य च॒ नम॑ः प्र॒तर॑णाय चो॒त्तर॑णाय च॒ नम॒स्तीर्थ्या॑य च॒ कूल्या॑य च॒ नम॒ः शष्प्या॑य च॒ फेन्या॑य च ॥४२॥
Namah paryaya chavaryaya cha namah prataranaya chottaranaya cha namastirthyaya cha kulyaya cha namah shashpyaya cha phenyaya cha
16.43
नम॑ः सिक॒त्या॒य च प्रवा॒ह्या॒य च॒ नम॑ः किᳪशि॒लाय॑ च क्षय॒णाय॑ च॒ नम॑ः कप॒र्दिने॑ च पुल॒स्तये॑ च॒ नम॑ इरि॒ण्या॒य च प्रप॒थ्या॒य च ॥४३॥
Namah sikatyaya cha pravahyaya cha namah kinshilaya cha kshayanaya cha namah kapardine cha pulastaye cha nama irinyaya cha prapathyaya cha
16.44
नमो॒ व्रज्या॑य च॒ गोष्ठ्या॑य च॒ नम॒स्तल्प्या॑य च॒ गेह्या॑य च॒ नमो॑ हृद॒य्या॒य च निवे॒ष्प्या॒य च॒ नम॒ः काट्या॑य च गह्वरे॒ष्ठाय॑ च ॥४४॥
Namo vrajyaya cha goshthyaya cha namastalpyaya cha gehyaya cha namo hridayyaya cha niveshpyaya cha namah katyaya cha gahvareshthaya cha
16.45
नम॒ः शुष्क्या॑य च हरि॒त्या॒य च॒ नम॑ः पाᳪस॒व्या॒य च रज॒स्या॒य च॒ नमो॒ लोप्या॑य चोल॒प्या॒य च॒ नम॒ ऊर्व्या॑य च॒ सूर्व्या॑य च ॥४५॥
Namah shushkyaya cha harityaya cha namah pansavyaya cha rajasyaya cha namo lopyaya cholapyaya cha nama urvyaya cha survyaya cha
16.46
नम॑ः प॒र्णाय॑ च पर्णश॒दाय॑ च॒ नम॑ उद्गु॒रमा॑णाय चाभिघ्न॒ते च॒ नम॑ आखिद॒ते च॑ प्रखिद॒ते च॒ नम॑ इषु॒कृद्भ्यो॑ धनु॒ष्कृद्भ्य॑श्च वो॒ नमो॒ नमो॑ वः किरि॒केभ्यो॑ दे॒वाना॒ᳪ हृद॑येभ्यो॒ नमो॑ विचिन्व॒त्केभ्यो॒ नमो॑ विक्षिण॒त्केभ्यो॒ नम॑ आनिर्ह॒तेभ्य॑ः ॥४६॥
Namah parnaya cha parnashadaya cha nama udguramanaya chabhighnate cha nama akhidate cha prakhidate cha nama ishukridbhyo dhanushkridbhyashcha vo namo namo vah kirikebhyo devanam hridayebhyo namo vichinvatkebhyo namo vikshinatkebhyo nama anirhatebhyah
16.47
द्रापे॒ अन्ध॑सस्पते॒ दरि॑द्र॒ नील॑लोहित ।
आ॒सां प्र॒जाना॑मे॒षां प॑शू॒नां मा भे॒र्मा रो॒ङ्मो च॑ न॒ः किंच॒नाम॑मत् ॥४७॥
Drape andhasaspate daridra nilalohita
Asam prajanamesham pashunam ma bherma ronmo cha nah kinchanamamat
16.48
इ॒मा रु॒द्राय॑ त॒वसे॑ कप॒र्दिने॑ क्ष॒यद्वी॑राय॒ प्र भ॑रामहे म॒तीः ।
यथा॒ शमस॑द् द्वि॒पदे॒ चतु॑ष्पदे॒ विश्वं॑ पु॒ष्टं ग्रामे॑ अ॒स्मिन्न॑नातु॒रम् ॥४८॥
Ima rudraya tavase kapardine kshayadviraya pra bharamahe matih
Yatha shamasad dvipade chatushpade vishvam pushtam grame asminnanaturam
16.49
या ते॑ रुद्र शि॒वा त॒नूः शि॒वा वि॒श्वाहा॑ भेष॒जी । शि॒वा रु॒तस्य॑ भेष॒जी तया॑ नो मृड जी॒वसे॑ ॥४९॥
Ya te rudra shiva tanuh shiva vishvaha bheshaji, shiva rutasya bheshaji taya no mrida jivase
16.50
परि॑ नो रु॒द्रस्य॑ हे॒तिर्वृ॑णक्तु॒ परि॑ त्वे॒षस्य॑ दुर्म॒तिर॑घा॒योः ।
अव॑ स्थि॒रा म॒घव॑द्भ्यस्तनुष्व॒ मीढ्व॑स्तो॒काय॒ तन॑याय मृड ॥५०॥
Pari no rudrasya hetirvrinaktu pari tveshasya durmatiraghayoh
Ava sthira maghavadbhyastanushva midhvastokaya tanayaya mrida
16.51
मीढु॑ष्टम॒ शिव॑तम शि॒वो न॑ः सु॒मना॑ भव ।
प॒र॒मे वृ॒क्ष आयु॑धं नि॒धाय॒ कृत्तिं॒ वसा॑न॒ आ च॑र॒ पिना॑कं॒ बिभ्र॒दा ग॑हि ॥५१॥
Midhushtama shivatama shivo nah sumana bhava
Parame vriksha ayudham nidhaya krittim vasana a chara pinakam bibhrada gahi
16.52
विकि॑रिद्र॒ विलो॑हित॒ नम॑स्ते अस्तु भगवः । यास्ते॑ स॒हस्र॑ᳪ हे॒तयो॒ऽन्यम॒स्मन्नि व॑पन्तु॒ ताः ॥५२॥
Vikiridra vilohita namaste astu bhagavah, yaste sahasram hetayonyamasmanni vapantu tah
16.53
स॒हस्रा॑णि सहस्र॒शो बा॒ह्वोस्तव॑ हे॒तय॑ः । तासा॒मीशा॑नो भगवः परा॒चीना॒ मुखा॑ कृधि ॥५३॥
Sahasrani sahasrasho bahvostava hetayah, tasamishano bhagavah parachina mukha kridhi
16.54
असं॑ख्याता स॒हस्रा॑णि॒ ये रु॒द्रा अधि॒ भूम्या॑म् । तेषा॑ᳪ सहस्रयोज॒नेऽव॒ धन्वा॑नि तन्मसि ॥५४॥
Asankhyata sahasrani ye rudra adhi bhumyam, tesham sahasrayojaneva dhanvani tanmasi
16.55
अ॒स्मिन् म॑ह॒त्य॒र्ण॒वे ऽन्तरि॑क्षे भ॒वा अधि॑ । तेषा॑ᳪ सहस्रयोज॒नेऽव॒ धन्वा॑नि तन्मसि ॥५५॥
Asmin mahatyarnave ntarikshe bhava adhi, tesham sahasrayojaneva dhanvani tanmasi
16.56
नील॑ग्रीवाः शिति॒कण्ठा॒ दिव॑ᳪ रु॒द्रा उप॑श्रिताः । तेषा॑ᳪ सहस्रयोज॒नेऽव॒ धन्वा॑नि तन्मसि ॥५६॥
Nilagrivah shitikantha divam rudra upashritah, tesham sahasrayojaneva dhanvani tanmasi
16.57
नील॑ग्रीवाः शिति॒कण्ठा॑ः श॒र्वा अ॒धः क्ष॑माच॒राः । तेषा॑ᳪ सहस्रयोज॒नेऽव॒ धन्वा॑नि तन्मसि ॥५७॥
Nilagrivah shitikanthah sharva adhah kshamacharah, tesham sahasrayojaneva dhanvani tanmasi
16.58
ये वृ॒क्षेषु॑ श॒ष्पिञ्ज॑रा॒ नील॑ग्रीवा॒ विलो॑हिताः । तेषा॑ᳪ सहस्रयोज॒नेऽव॒ धन्वा॑नि तन्मसि ॥५८॥
Ye vriksheshu shashpinjara nilagriva vilohitah, tesham sahasrayojaneva dhanvani tanmasi
16.59
ये भू॒ताना॒मधि॑पतयो विशि॒खास॑ः कप॒र्दिन॑ः । तेषा॑ᳪ सहस्रयोज॒नेऽव॒ धन्वा॑नि तन्मसि ॥५९॥
Ye bhutanamadhipatayo vishikhasah kapardinah, tesham sahasrayojaneva dhanvani tanmasi
16.60
ये प॒थां प॑थि॒रक्ष॑य ऐलबृ॒दा आ॑यु॒र्युध॑ः । तेषा॑ᳪ सहस्रयोज॒नेऽव॒ धन्वा॑नि तन्मसि ॥६०॥
Ye patham pathirakshaya ailabrida ayuryudhah, tesham sahasrayojaneva dhanvani tanmasi
16.61
ये ती॒र्थानि॑ प्र॒चर॑न्ति सृ॒काह॑स्ता निष॒ङ्गिण॑ः । तेषा॑ᳪ सहस्रयोज॒नेऽव॒ धन्वा॑नि तन्मसि ॥६१॥
Ye tirthani pracharanti srikahasta nishanginah, tesham sahasrayojaneva dhanvani tanmasi
16.62
येऽन्ने॑षु वि॒विध्य॑न्ति॒ पात्रे॑षु॒ पिब॑तो॒ जना॑न् । तेषा॑ᳪ सहस्रयोज॒नेऽव॒ धन्वा॑नि तन्मसि ॥६२॥
Yenneshu vividhyanti patreshu pibato janan, tesham sahasrayojaneva dhanvani tanmasi
16.63
य ए॒ताव॑न्तश्च॒ भूया॑ᳪसश्च॒ दिशो॑ रु॒द्रा वि॑तस्थि॒रे । तेषा॑ᳪ सहस्रयोज॒नेऽव॒ धन्वा॑नि तन्मसि ॥६३॥
Ya etavantashcha bhuyansashcha disho rudra vitasthire, tesham sahasrayojaneva dhanvani tanmasi
16.64
नमो॑ऽस्तु रु॒द्रेभ्यो॒ ये दि॒वि येषां॑ व॒र्षमिष॑वः । तेभ्यो॒ दश॒ प्राची॒र्दश॑ दक्षि॒णा दश॑ प्र॒तीची॒र्दशोदी॑ची॒र्दशो॒र्ध्वाः ।
तेभ्यो॒ नमो॑ अस्तु॒ ते नो॑ऽवन्तु॒ ते नो॑ मृडयन्तु॒ ते यं द्वि॒ष्मो यश्च॑ नो॒ द्वेष्टि॒ तमे॑षां॒ जम्भे॑ दध्मः ॥६४॥
Namostu rudrebhyo ye divi yesham varshamishavah, tebhyo dasha prachirdasha dakshina dasha pratichirdashodichirdashordhvah
Tebhyo namo astu te novantu te no mridayantu te yam dvishmo yashcha no dveshti tamesham jambhe dadhmah
16.65
नमो॑ऽस्तु रु॒द्रेभ्यो॒ येऽन्तरि॑क्षे॒ येषां॒ वात॒ इष॑वः । तेभ्यो॒ दश॒ प्राची॒र्दश॑ दक्षि॒णा दश॑ प्र॒तीची॒र्दशोदी॑ची॒र्दशो॒र्ध्वाः ।
तेभ्यो॒ नमो॑ अस्तु॒ ते नो॑ऽवन्तु॒ ते नो॑ मृडयन्तु॒ ते यं द्वि॒ष्मो यश्च॑ नो॒ द्वेष्टि॒ तमे॑षां॒ जम्भे॑ दध्मः ॥६५॥
Namostu rudrebhyo yentarikshe yesham vata ishavah, tebhyo dasha prachirdasha dakshina dasha pratichirdashodichirdashordhvah
Tebhyo namo astu te novantu te no mridayantu te yam dvishmo yashcha no dveshti tamesham jambhe dadhmah
16.66
नमो॑ऽस्तु रु॒द्रेभ्यो॒ ये पृ॑थि॒व्यां येषा॒मन्न॒मिष॑वः । तेभ्यो॒ दश॒ प्राची॒र्दश॑ दक्षि॒णा दश॑ प्र॒तीची॒र्दशोदी॑ची॒र्दशो॒र्ध्वाः ।
तेभ्यो॒ नमो॑ अस्तु॒ ते नो॑ऽवन्तु॒ ते नो॑ मृडयन्तु॒ ते यं द्वि॒ष्मो यश्च॑ नो॒ द्वेष्टि॒ तमे॑षां॒ जम्भे॑ दध्मः ॥६६॥
Namostu rudrebhyo ye prithivyam yeshamannamishavah, tebhyo dasha prachirdasha dakshina dasha pratichirdashodichirdashordhvah
Tebhyo namo astu te novantu te no mridayantu te yam dvishmo yashcha no dveshti tamesham jambhe dadhmah