UtshovShukla Yajurveda (Kanva) 23.46
होता॑ यक्षद॒ग्निᳪ स्वि॑ष्ट॒कृत॒मया॑ळ॒ग्निर॒श्विनो॒श्छाग॑स्य ह॒विषः॑ प्रि॒या धामा॒न्यया॒ट
सर॑स्वत्या मे॒षस्य॑ ह॒विषः॑ प्रि॒या धामा॒न्यया॒ळिन्द्र॑स्य ऋष॒भस्य॑ ह॒विषः॑ प्रि॒या धामा॑नि ।
अया॑ळ॒ग्नेः प्रि॒या धामा॒न्यया॒ट् सोम॑स्य प्रि॒या धामा॒न्यया॒ळिन्द्र॑स्य सु॒त्राम्णः॑ प्रि॒या धामा॑नि ।
अया॑ट् सवि॒तुः प्रि॒या धामा॒न्यया॒ड् वरु॑णस्य प्रि॒या धामा॒न्यया॒ड् वन॒स्पतेः॑ प्रि॒या पाथा॑ᳪसि ।
अया॑ड् दे॒वाना॑माज्य॒पानां॑ प्रि॒या धामा॑नि॒ यक्ष॑द॒ग्नेर्होतुः॑ प्रि॒या धामा॑नि ।
यक्ष॒त्स्वं म॑हि॒मान॒माय॑जता॒मेज्या॒ इषः॑ कृ॒णोतु॒ सो अ॑ध्व॒रा जा॒तवे॑दा जु॒षता॑ᳪ ह॒विर्होत॒र्यज॑ ॥५॥
Hota yakshadagnim svishtakritamayalagnirashvinoshchhagasya havishah priya dhamanyayata
Sarasvatya meshasya havishah priya dhamanyayalindrasya rishabhasya havishah priya dhamani
Ayalagneh priya dhamanyayat somasya priya dhamanyayalindrasya sutramnah priya dhamani
Ayat savituh priya dhamanyayad varunasya priya dhamanyayad vanaspateh priya pathansi
Ayad devanamajyapanam priya dhamani yakshadagnerhotuh priya dhamani
Yakshatsvam mahimanamayajatamejya ishah krinotu so adhvara jataveda jushatam havirhotaryaja