Sukta 57

57.1

4 medhyah kanvah, ashvinau, trishtup

यु॒वं दे॑वा॒ क्रतु॑ना पू॒र्व्येण॑ यु॒क्ता रथे॑न तवि॒षं य॑जत्रा ।
आग॑च्छतं नासत्या॒ शची॑भिरि॒दं तृ॒तीयं॒ सव॑नं पिबाथः ॥१॥

Yuvam deva kratuna purvyena yukta rathena tavisham yajatra
Agachchhatam nasatya shachibhiridam tritiyam savanam pibathah

यु॒वां दे॒वास्त्रय॑ एकाद॒शास॑ः स॒त्याः स॒त्यस्य॑ ददृशे पु॒रस्ता॑त् ।
अ॒स्माकं॑ य॒ज्ञं सव॑नं जुषा॒णा पा॒तं सोम॑मश्विना॒ दीद्य॑ग्नी ॥२॥

Yuvam devastraya ekadashasah satyah satyasya dadrishe purastat
Asmakam yagyam savanam jushana patam somamashvina didyagni

प॒नाय्यं॒ तद॑श्विना कृ॒तं वां॑ वृष॒भो दि॒वो रज॑सः पृथि॒व्याः ।
स॒हस्रं॒ शंसा॑ उ॒त ये गवि॑ष्टौ॒ सर्वाँ॒ इत्ताँ उप॑ याता॒ पिब॑ध्यै ॥३॥

Panayyam tadashvina kritam vam vrishabho divo rajasah prithivyah
Sahasram shansa uta ye gavishtau sarvam ittam upa yata pibadhyai

अ॒यं वां॑ भा॒गो निहि॑तो यजत्रे॒मा गिरो॑ नास॒त्योप॑ यातम् ।
पिब॑तं॒ सोमं॒ मधु॑मन्तम॒स्मे प्र दा॒श्वांस॑मवतं॒ शची॑भिः ॥४॥

Ayam vam bhago nihito yajatrema giro nasatyopa yatam
Pibatam somam madhumantamasme pra dashvansamavatam shachibhih