Ramcharitmanas 99.1

बरन धर्म नहिं आश्रम चारी। श्रुति बिरोध रत सब नर नारी।।
द्विज श्रुति बेचक भूप प्रजासन। कोउ नहिं मान निगम अनुसासन।।
मारग सोइ जा कहुँ जोइ भावा। पंडित सोइ जो गाल बजावा।।
मिथ्यारंभ दंभ रत जोई। ता कहुँ संत कहइ सब कोई।।
सोइ सयान जो परधन हारी। जो कर दंभ सो बड़ आचारी।।
जौ कह झूँठ मसखरी जाना। कलिजुग सोइ गुनवंत बखाना।।
निराचार जो श्रुति पथ त्यागी। कलिजुग सोइ ग्यानी सो बिरागी।।
जाकें नख अरु जटा बिसाला। सोइ तापस प्रसिद्ध कलिकाला।।

Baran dharma nahin ashram chari, shruti birodh rat sab nar nari
Dvij shruti bechak bhup prajasan, kou nahin man nigam anusasan
Marag soi ja kahun joi bhava, pandit soi jo gal bajava
Mithyarambh dambh rat joi, ta kahun sant kahai sab koi
Soi sayan jo paradhan hari, jo kar dambh so bar achari
Jau kah jhunth masakhari jana, kalijug soi gunavant bakhana
Nirachar jo shruti path tyagi, kalijug soi gyani so biragi
Jaken nakh aru jata bisala, soi tapas prasiddha kalikala

Whole chapter