UtshovDoha 81
81.1
Chaupai
मूदेउँ नयन त्रसित जब भयउँ। पुनि चितवत कोसलपुर गयऊँ।।
मोहि बिलोकि राम मुसुकाहीं। बिहँसत तुरत गयउँ मुख माहीं।।
उदर माझ सुनु अंडज राया। देखेउँ बहु ब्रह्मांड निकाया।।
अति बिचित्र तहँ लोक अनेका। रचना अधिक एक ते एका।।
कोटिन्ह चतुरानन गौरीसा। अगनित उडगन रबि रजनीसा।।
अगनित लोकपाल जम काला। अगनित भूधर भूमि बिसाला।।
सागर सरि सर बिपिन अपारा। नाना भाँति सृष्टि बिस्तारा।।
सुर मुनि सिद्ध नाग नर किंनर। चारि प्रकार जीव सचराचर।।
Mudeum nayan trasit jab bhayaum, puni chitavat kosalapur gayaum
Mohi biloki ram musukahin, bihansat turat gayaum mukh mahin
Udar majh sunu andaj raya, dekheum bahu brahmand nikaya
Ati bichitra taham lok aneka, rachana adhik ek te eka
Kotinha chaturanan gaurisa, aganit udagan rabi rajanisa
Aganit lokapal jam kala, aganit bhudhar bhumi bisala
Sagar sari sar bipin apara, nana bhanti srishti bistara
Sur muni siddha nag nar kinnar, chari prakar jiv sacharachar
81.2
Doha/soratha
जो नहिं देखा नहिं सुना जो मनहूँ न समाइ।
सो सब अद्भुत देखेउँ बरनि कवनि बिधि जाइ ॥80(क)॥
Jo nahin dekha nahin suna jo manahun na samai
So sab adbhut dekheum barani kavani bidhi jai, 80(ka)
81.3
Doha/soratha
एक एक ब्रह्मांड महुँ रहउँ बरष सत एक।
एहि बिधि देखत फिरउँ मैं अंड कटाह अनेक ॥80(ख)॥
Ek ek brahmand mahun rahaum barash sat ek
Ehi bidhi dekhat phiraum main and katah anek, 80(kh)