UtshovDoha 70
70.1
Chaupai
देखि चरित अति नर अनुसारी। भयउ हृदयँ मम संसय भारी।।
सोइ भ्रम अब हित करि मैं माना। कीन्ह अनुग्रह कृपानिधाना।।
जो अति आतप ब्याकुल होई। तरु छाया सुख जानइ सोई।।
जौं नहिं होत मोह अति मोही। मिलतेउँ तात कवन बिधि तोही।।
सुनतेउँ किमि हरि कथा सुहाई। अति बिचित्र बहु बिधि तुम्ह गाई।।
निगमागम पुरान मत एहा। कहहिं सिद्ध मुनि नहिं संदेहा।।
संत बिसुद्ध मिलहिं परि तेही। चितवहिं राम कृपा करि जेही।।
राम कृपाँ तव दरसन भयऊ। तव प्रसाद सब संसय गयऊ।।
Dekhi charit ati nar anusari, bhayau hridayam mam sansay bhari
Soi bhram ab hit kari main mana, kinha anugrah kripanidhana
Jo ati atap byakul hoi, taru chhaya sukh janai soi
Jaun nahin hot moh ati mohi, milateum tat kavan bidhi tohi
Sunateum kimi hari katha suhai, ati bichitra bahu bidhi tumha gai
Nigamagam puran mat eha, kahahin siddha muni nahin sandeha
Sant bisuddha milahin pari tehi, chitavahin ram kripa kari jehi
Ram kripan tav darasan bhayau, tav prasad sab sansay gayau
70.2
Doha/soratha
सुनि बिहंगपति बानी सहित बिनय अनुराग।
पुलक गात लोचन सजल मन हरषेउ अति काग ॥69(क)॥
Suni bihangapati bani sahit binay anurag
Pulak gat lochan sajal man harasheu ati kag, 69(ka)
70.3
Doha/soratha
श्रोता सुमति सुसील सुचि कथा रसिक हरि दास।
पाइ उमा अति गोप्यमपि सज्जन करहिं प्रकास ॥69(ख)॥
Shrota sumati susil suchi katha rasik hari das
Pai uma ati gopyamapi sajjan karahin prakas, 69(kh)