Ramcharitmanas 68.1

जेहि बिधि कपिपति कीस पठाए। सीता खोज सकल दिसि धाए।।
बिबर प्रबेस कीन्ह जेहि भाँती। कपिन्ह बहोरि मिला संपाती।।
सुनि सब कथा समीरकुमारा। नाघत भयउ पयोधि अपारा।।
लंकाँ कपि प्रबेस जिमि कीन्हा। पुनि सीतहि धीरजु जिमि दीन्हा।।
बन उजारि रावनहि प्रबोधी। पुर दहि नाघेउ बहुरि पयोधी।।
आए कपि सब जहँ रघुराई। बैदेही कि कुसल सुनाई।।
सेन समेति जथा रघुबीरा। उतरे जाइ बारिनिधि तीरा।।
मिला बिभीषन जेहि बिधि आई। सागर निग्रह कथा सुनाई।।

Jehi bidhi kapipati kis pathae, sita khoj sakal disi dhae
Bibar prabes kinha jehi bhanti, kapinha bahori mila sampati
Suni sab katha samirakumara, naghat bhayau payodhi apara
Lankan kapi prabes jimi kinha, puni sitahi dhiraju jimi dinha
Ban ujari ravanahi prabodhi, pur dahi nagheu bahuri payodhi
Ae kapi sab jaham raghurai, baidehi ki kusal sunai
Sen sameti jatha raghubira, utare jai barinidhi tira
Mila bibhishan jehi bidhi ai, sagar nigrah katha sunai

Whole chapter