UtshovDoha 67
67.1
Chaupai
कहि दंडक बन पावनताई। गीध मइत्री पुनि तेहिं गाई।।
पुनि प्रभु पंचवटीं कृत बासा। भंजी सकल मुनिन्ह की त्रासा।।
पुनि लछिमन उपदेस अनूपा। सूपनखा जिमि कीन्हि कुरूपा।।
खर दूषन बध बहुरि बखाना। जिमि सब मरमु दसानन जाना।।
दसकंधर मारीच बतकहीं। जेहि बिधि भई सो सब तेहिं कही।।
पुनि माया सीता कर हरना। श्रीरघुबीर बिरह कछु बरना।।
पुनि प्रभु गीध क्रिया जिमि कीन्ही। बधि कबंध सबरिहि गति दीन्ही।।
बहुरि बिरह बरनत रघुबीरा। जेहि बिधि गए सरोबर तीरा।।
Kahi dandak ban pavanatai, gidh maitri puni tehin gai
Puni prabhu panchavatin krit basa, bhanji sakal muninha ki trasa
Puni lachhiman upades anupa, supanakha jimi kinhi kurupa
Khar dushan badh bahuri bakhana, jimi sab maramu dasanan jana
Dasakandhar marich batakahin, jehi bidhi bhai so sab tehin kahi
Puni maya sita kar harana, shriraghubir birah kachhu barana
Puni prabhu gidh kriya jimi kinhi, badhi kabandh sabarihi gati dinhi
Bahuri birah baranat raghubira, jehi bidhi gae sarobar tira
67.2
Doha/soratha
प्रभु नारद संबाद कहि मारुति मिलन प्रसंग।
पुनि सुग्रीव मिताई बालि प्रान कर भंग ॥66॥
Prabhu narad sambad kahi maruti milan prasang
Puni sugriv mitai bali pran kar bhang
67.3
Doha/soratha
((क)।।
कपिहि तिलक करि प्रभु कृत सैल प्रबरषन बास।
बरनन बर्षा सरद अरु राम रोष कपि त्रास ॥66(ख)॥
((Ka)
Kapihi tilak kari prabhu krit sail prabarashan bas
Baranan barsha sarad aru ram rosh kapi tras, 66(kh)