UtshovRamcharitmanas 65.1
सुनहु तात जेहि कारन आयउँ। सो सब भयउ दरस तव पायउँ।।
देखि परम पावन तव आश्रम। गयउ मोह संसय नाना भ्रम।।
अब श्रीराम कथा अति पावनि। सदा सुखद दुख पुंज नसावनि।।
सादर तात सुनावहु मोही। बार बार बिनवउँ प्रभु तोही।।
सुनत गरुड़ कै गिरा बिनीता। सरल सुप्रेम सुखद सुपुनीता।।
भयउ तासु मन परम उछाहा। लाग कहै रघुपति गुन गाहा।।
प्रथमहिं अति अनुराग भवानी। रामचरित सर कहेसि बखानी।।
पुनि नारद कर मोह अपारा। कहेसि बहुरि रावन अवतारा।।
प्रभु अवतार कथा पुनि गाई। तब सिसु चरित कहेसि मन लाई।।
Sunahu tat jehi karan ayaum, so sab bhayau daras tav payaum
Dekhi param pavan tav ashram, gayau moh sansay nana bhram
Ab shriram katha ati pavani, sada sukhad dukh punj nasavani
Sadar tat sunavahu mohi, bar bar binavaum prabhu tohi
Sunat garur kai gira binita, saral suprem sukhad supunita
Bhayau tasu man param uchhaha, lag kahai raghupati gun gaha
Prathamahin ati anurag bhavani, ramacharit sar kahesi bakhani
Puni narad kar moh apara, kahesi bahuri ravan avatara
Prabhu avatar katha puni gai, tab sisu charit kahesi man lai