Ramcharitmanas 62.1

तेहिं मम पद सादर सिरु नावा। पुनि आपन संदेह सुनावा।।
सुनि ता करि बिनती मृदु बानी। परेम सहित मैं कहेउँ भवानी।।
मिलेहु गरुड़ मारग महँ मोही। कवन भाँति समुझावौं तोही।।
तबहि होइ सब संसय भंगा। जब बहु काल करिअ सतसंगा।।
सुनिअ तहाँ हरि कथा सुहाई। नाना भाँति मुनिन्ह जो गाई।।
जेहि महुँ आदि मध्य अवसाना। प्रभु प्रतिपाद्य राम भगवाना।।
नित हरि कथा होत जहँ भाई। पठवउँ तहाँ सुनहि तुम्ह जाई।।
जाइहि सुनत सकल संदेहा। राम चरन होइहि अति नेहा।।

Tehin mam pad sadar siru nava, puni apan sandeh sunava
Suni ta kari binati mridu bani, parem sahit main kaheum bhavani
Milehu garur marag maham mohi, kavan bhanti samujhavaun tohi
Tabahi hoi sab sansay bhanga, jab bahu kal karia satasanga
Sunia tahan hari katha suhai, nana bhanti muninha jo gai
Jehi mahun adi madhya avasana, prabhu pratipadya ram bhagavana
Nit hari katha hot jaham bhai, pathavaum tahan sunahi tumha jai
Jaihi sunat sakal sandeha, ram charan hoihi ati neha

Whole chapter