UtshovRamcharitmanas 53.1
गिरिजा सुनहु बिसद यह कथा। मैं सब कही मोरि मति जथा।।
राम चरित सत कोटि अपारा। श्रुति सारदा न बरनै पारा।।
राम अनंत अनंत गुनानी। जन्म कर्म अनंत नामानी।।
जल सीकर महि रज गनि जाहीं। रघुपति चरित न बरनि सिराहीं।।
बिमल कथा हरि पद दायनी। भगति होइ सुनि अनपायनी।।
उमा कहिउँ सब कथा सुहाई। जो भुसुंडि खगपतिहि सुनाई।।
कछुक राम गुन कहेउँ बखानी। अब का कहौं सो कहहु भवानी।।
सुनि सुभ कथा उमा हरषानी। बोली अति बिनीत मृदु बानी।।
धन्य धन्य मैं धन्य पुरारी। सुनेउँ राम गुन भव भय हारी।।
Girija sunahu bisad yah katha, main sab kahi mori mati jatha
Ram charit sat koti apara, shruti sarada na baranai para
Ram anant anant gunani, janma karma anant namani
Jal sikar mahi raj gani jahin, raghupati charit na barani sirahin
Bimal katha hari pad dayani, bhagati hoi suni anapayani
Uma kahium sab katha suhai, jo bhusundi khagapatihi sunai
Kachhuk ram gun kaheum bakhani, ab ka kahaun so kahahu bhavani
Suni subh katha uma harashani, boli ati binit mridu bani
Dhanya dhanya main dhanya purari, suneum ram gun bhav bhay hari