Ramcharitmanas 46.1

जौं परलोक इहाँ सुख चहहू। सुनि मम बचन ह्रृदयँ दृढ़ गहहू।।
सुलभ सुखद मारग यह भाई। भगति मोरि पुरान श्रुति गाई।।
ग्यान अगम प्रत्यूह अनेका। साधन कठिन न मन कहुँ टेका।।
करत कष्ट बहु पावइ कोऊ। भक्ति हीन मोहि प्रिय नहिं सोऊ।।
भक्ति सुतंत्र सकल सुख खानी। बिनु सतसंग न पावहिं प्रानी।।
पुन्य पुंज बिनु मिलहिं न संता। सतसंगति संसृति कर अंता।।
पुन्य एक जग महुँ नहिं दूजा। मन क्रम बचन बिप्र पद पूजा।।
सानुकूल तेहि पर मुनि देवा। जो तजि कपटु करइ द्विज सेवा।।

Jaun paralok ihan sukh chahahu, suni mam bachan hrridayam drirh gahahu
Sulabh sukhad marag yah bhai, bhagati mori puran shruti gai
Gyan agam pratyuh aneka, sadhan kathin na man kahun teka
Karat kashta bahu pavai kou, bhakti hin mohi priy nahin sou
Bhakti sutantra sakal sukh khani, binu satasang na pavahin prani
Punya punj binu milahin na santa, satasangati sansriti kar anta
Punya ek jag mahun nahin duja, man kram bachan bipra pad puja
Sanukul tehi par muni deva, jo taji kapatu karai dvij seva

Whole chapter