Ramcharitmanas 31.1

जहँ तहँ नर रघुपति गुन गावहिं। बैठि परसपर इहइ सिखावहिं।।
भजहु प्रनत प्रतिपालक रामहि। सोभा सील रूप गुन धामहि।।
जलज बिलोचन स्यामल गातहि। पलक नयन इव सेवक त्रातहि।।
धृत सर रुचिर चाप तूनीरहि। संत कंज बन रबि रनधीरहि।।
काल कराल ब्याल खगराजहि। नमत राम अकाम ममता जहि।।
लोभ मोह मृगजूथ किरातहि। मनसिज करि हरि जन सुखदातहि।।
संसय सोक निबिड़ तम भानुहि। दनुज गहन घन दहन कृसानुहि।।
जनकसुता समेत रघुबीरहि। कस न भजहु भंजन भव भीरहि।।
बहु बासना मसक हिम रासिहि। सदा एकरस अज अबिनासिहि।।
मुनि रंजन भंजन महि भारहि। तुलसिदास के प्रभुहि उदारहि।।

Jaham taham nar raghupati gun gavahin, baithi parasapar ihai sikhavahin
Bhajahu pranat pratipalak ramahi, sobha sil rup gun dhamahi
Jalaj bilochan syamal gatahi, palak nayan iv sevak tratahi
Dhrit sar ruchir chap tunirahi, sant kanj ban rabi ranadhirahi
Kal karal byal khagarajahi, namat ram akam mamata jahi
Lobh moh mrigajuth kiratahi, manasij kari hari jan sukhadatahi
Sansay sok nibir tam bhanuhi, danuj gahan ghan dahan krisanuhi
Janakasuta samet raghubirahi, kas na bhajahu bhanjan bhav bhirahi
Bahu basana masak him rasihi, sada ekaras aj abinasihi
Muni ranjan bhanjan mahi bharahi, tulasidas ke prabhuhi udarahi

Whole chapter