Ramcharitmanas 123.1

एहि बिधि सकल जीव जग रोगी। सोक हरष भय प्रीति बियोगी।।
मानक रोग कछुक मैं गाए। हहिं सब कें लखि बिरलेन्ह पाए।।
जाने ते छीजहिं कछु पापी। नास न पावहिं जन परितापी।।
बिषय कुपथ्य पाइ अंकुरे। मुनिहु हृदयँ का नर बापुरे।।
राम कृपाँ नासहि सब रोगा। जौं एहि भाँति बनै संयोगा।।
सदगुर बैद बचन बिस्वासा। संजम यह न बिषय कै आसा।।
रघुपति भगति सजीवन मूरी। अनूपान श्रद्धा मति पूरी।।
एहि बिधि भलेहिं सो रोग नसाहीं। नाहिं त जतन कोटि नहिं जाहीं।।
जानिअ तब मन बिरुज गोसाँई। जब उर बल बिराग अधिकाई।।
सुमति छुधा बाढ़इ नित नई। बिषय आस दुर्बलता गई।।
बिमल ग्यान जल जब सो नहाई। तब रह राम भगति उर छाई।।
सिव अज सुक सनकादिक नारद। जे मुनि ब्रह्म बिचार बिसारद।।
सब कर मत खगनायक एहा। करिअ राम पद पंकज नेहा।।
श्रुति पुरान सब ग्रंथ कहाहीं। रघुपति भगति बिना सुख नाहीं।।
कमठ पीठ जामहिं बरु बारा। बंध्या सुत बरु काहुहि मारा।।
फूलहिं नभ बरु बहुबिधि फूला। जीव न लह सुख हरि प्रतिकूला।।
तृषा जाइ बरु मृगजल पाना। बरु जामहिं सस सीस बिषाना।।
अंधकारु बरु रबिहि नसावै। राम बिमुख न जीव सुख पावै।।
हिम ते अनल प्रगट बरु होई। बिमुख राम सुख पाव न कोई।।

Ehi bidhi sakal jiv jag rogi, sok harash bhay priti biyogi
Manak rog kachhuk main gae, hahin sab ken lakhi biralenha pae
Jane te chhijahin kachhu papi, nas na pavahin jan paritapi
Bishay kupathya pai ankure, munihu hridayam ka nar bapure
Ram kripan nasahi sab roga, jaun ehi bhanti banai sanyoga
Sadagur baid bachan bisvasa, sanjam yah na bishay kai asa
Raghupati bhagati sajivan muri, anupan shraddha mati puri
Ehi bidhi bhalehin so rog nasahin, nahin ta jatan koti nahin jahin
Jania tab man biruj gosani, jab ur bal birag adhikai
Sumati chhudha barhai nit nai, bishay as durbalata gai
Bimal gyan jal jab so nahai, tab rah ram bhagati ur chhai
Siv aj suk sanakadik narad, je muni brahma bichar bisarad
Sab kar mat khaganayak eha, karia ram pad pankaj neha
Shruti puran sab granth kahahin, raghupati bhagati bina sukh nahin
Kamath pith jamahin baru bara, bandhya sut baru kahuhi mara
Phulahin nabh baru bahubidhi phula, jiv na lah sukh hari pratikula
Trisha jai baru mrigajal pana, baru jamahin sas sis bishana
Andhakaru baru rabihi nasavai, ram bimukh na jiv sukh pavai
Him te anal pragat baru hoi, bimukh ram sukh pav na koi

Whole chapter