UtshovDoha 120
120.1
Chaupai
ग्यान पंथ कृपान कै धारा। परत खगेस होइ नहिं बारा।।
जो निर्बिघ्न पंथ निर्बहई। सो कैवल्य परम पद लहई।।
अति दुर्लभ कैवल्य परम पद। संत पुरान निगम आगम बद।।
राम भजत सोइ मुकुति गोसाई। अनइच्छित आवइ बरिआई।।
जिमि थल बिनु जल रहि न सकाई। कोटि भाँति कोउ करै उपाई।।
तथा मोच्छ सुख सुनु खगराई। रहि न सकइ हरि भगति बिहाई।।
अस बिचारि हरि भगत सयाने। मुक्ति निरादर भगति लुभाने।।
भगति करत बिनु जतन प्रयासा। संसृति मूल अबिद्या नासा।।
भोजन करिअ तृपिति हित लागी। जिमि सो असन पचवै जठरागी।।
असि हरिभगति सुगम सुखदाई। को अस मूढ़ न जाहि सोहाई।।
Gyan panth kripan kai dhara, parat khages hoi nahin bara
Jo nirbighna panth nirbahai, so kaivalya param pad lahai
Ati durlabh kaivalya param pad, sant puran nigam agam bad
Ram bhajat soi mukuti gosai, anaichchhit avai bariai
Jimi thal binu jal rahi na sakai, koti bhanti kou karai upai
Tatha mochchha sukh sunu khagarai, rahi na sakai hari bhagati bihai
As bichari hari bhagat sayane, mukti niradar bhagati lubhane
Bhagati karat binu jatan prayasa, sansriti mul abidya nasa
Bhojan karia tripiti hit lagi, jimi so asan pachavai jatharagi
Asi haribhagati sugam sukhadai, ko as murh na jahi sohai
120.2
Doha/soratha
सेवक सेब्य भाव बिनु भव न तरिअ उरगारि।।
भजहु राम पद पंकज अस सिद्धांत बिचारि ॥119(क)॥
Sevak sebya bhav binu bhav na taria uragari
Bhajahu ram pad pankaj as siddhant bichari, 119(ka)
120.3
Doha/soratha
जो चेतन कहँ ज़ड़ करइ ज़ड़हि करइ चैतन्य।
अस समर्थ रघुनायकहिं भजहिं जीव ते धन्य ॥119(ख)॥
Jo chetan kaham zar karai zarahi karai chaitanya
As samartha raghunayakahin bhajahin jiv te dhanya, 119(kh)