Ramcharitmanas 71.1

भागे भालु बलीमुख जूथा। बृकु बिलोकि जिमि मेष बरूथा।।
चले भागि कपि भालु भवानी। बिकल पुकारत आरत बानी।।
यह निसिचर दुकाल सम अहई। कपिकुल देस परन अब चहई।।
कृपा बारिधर राम खरारी। पाहि पाहि प्रनतारति हारी।।
सकरुन बचन सुनत भगवाना। चले सुधारि सरासन बाना।।
राम सेन निज पाछैं घाली। चले सकोप महा बलसाली।।
खैंचि धनुष सर सत संधाने। छूटे तीर सरीर समाने।।
लागत सर धावा रिस भरा। कुधर डगमगत डोलति धरा।।
लीन्ह एक तेहिं सैल उपाटी। रघुकुल तिलक भुजा सोइ काटी।।
धावा बाम बाहु गिरि धारी। प्रभु सोउ भुजा काटि महि पारी।।
काटें भुजा सोह खल कैसा। पच्छहीन मंदर गिरि जैसा।।
उग्र बिलोकनि प्रभुहि बिलोका। ग्रसन चहत मानहुँ त्रेलोका।।

Bhage bhalu balimukh jutha, briku biloki jimi mesh barutha
Chale bhagi kapi bhalu bhavani, bikal pukarat arat bani
Yah nisichar dukal sam ahai, kapikul des paran ab chahai
Kripa baridhar ram kharari, pahi pahi pranatarati hari
Sakarun bachan sunat bhagavana, chale sudhari sarasan bana
Ram sen nij pachhain ghali, chale sakop maha balasali
Khainchi dhanush sar sat sandhane, chhute tir sarir samane
Lagat sar dhava ris bhara, kudhar dagamagat dolati dhara
Linha ek tehin sail upati, raghukul tilak bhuja soi kati
Dhava bam bahu giri dhari, prabhu sou bhuja kati mahi pari
Katen bhuja soh khal kaisa, pachchhahin mandar giri jaisa
Ugra bilokani prabhuhi biloka, grasan chahat manahun treloka

Whole chapter