UtshovDoha 69
69.1
Chaupai
कर सारंग साजि कटि भाथा। अरि दल दलन चले रघुनाथा।।
प्रथम कीन्ह प्रभु धनुष टँकोरा। रिपु दल बधिर भयउ सुनि सोरा।।
सत्यसंध छाँड़े सर लच्छा। कालसर्प जनु चले सपच्छा।।
जहँ तहँ चले बिपुल नाराचा। लगे कटन भट बिकट पिसाचा।।
कटहिं चरन उर सिर भुजदंडा। बहुतक बीर होहिं सत खंडा।।
घुर्मि घुर्मि घायल महि परहीं। उठि संभारि सुभट पुनि लरहीं।।
लागत बान जलद जिमि गाजहीं। बहुतक देखी कठिन सर भाजहिं।।
रुंड प्रचंड मुंड बिनु धावहिं। धरु धरु मारू मारु धुनि गावहिं।।
Kar sarang saji kati bhatha, ari dal dalan chale raghunatha
Pratham kinha prabhu dhanush tankora, ripu dal badhir bhayau suni sora
Satyasandh chhanre sar lachchha, kalasarpa janu chale sapachchha
Jaham taham chale bipul naracha, lage katan bhat bikat pisacha
Katahin charan ur sir bhujadanda, bahutak bir hohin sat khanda
Ghurmi ghurmi ghayal mahi parahin, uthi sambhari subhat puni larahin
Lagat ban jalad jimi gajahin, bahutak dekhi kathin sar bhajahin
Rund prachand mund binu dhavahin, dharu dharu maru maru dhuni gavahin
69.2
Doha/soratha
छन महुँ प्रभु के सायकन्हि काटे बिकट पिसाच।
पुनि रघुबीर निषंग महुँ प्रबिसे सब नाराच ॥68॥
Chhan mahun prabhu ke sayakanhi kate bikat pisach
Puni raghubir nishang mahun prabise sab narach