Ramcharitmanas 63.1

हरषि राम भेंटेउ हनुमाना। अति कृतग्य प्रभु परम सुजाना।।
तुरत बैद तब कीन्ह उपाई। उठि बैठे लछिमन हरषाई।।
हृदयँ लाइ प्रभु भेंटेउ भ्राता। हरषे सकल भालु कपि ब्राता।।
कपि पुनि बैद तहाँ पहुँचावा। जेहि बिधि तबहिं ताहि लइ आवा।।
यह बृत्तांत दसानन सुनेऊ। अति बिषअद पुनि पुनि सिर धुनेऊ।।
ब्याकुल कुंभकरन पहिं आवा। बिबिध जतन करि ताहि जगावा।।
जागा निसिचर देखिअ कैसा। मानहुँ कालु देह धरि बैसा।।
कुंभकरन बूझा कहु भाई। काहे तव मुख रहे सुखाई।।
कथा कही सब तेहिं अभिमानी। जेहि प्रकार सीता हरि आनी।।
तात कपिन्ह सब निसिचर मारे। महामहा जोधा संघारे।।
दुर्मुख सुररिपु मनुज अहारी। भट अतिकाय अकंपन भारी।।
अपर महोदर आदिक बीरा। परे समर महि सब रनधीरा।।

Harashi ram bhenteu hanumana, ati kritagya prabhu param sujana
Turat baid tab kinha upai, uthi baithe lachhiman harashai
Hridayam lai prabhu bhenteu bhrata, harashe sakal bhalu kapi brata
Kapi puni baid tahan pahunchava, jehi bidhi tabahin tahi lai ava
Yah brittant dasanan suneu, ati bishaad puni puni sir dhuneu
Byakul kumbhakaran pahin ava, bibidh jatan kari tahi jagava
Jaga nisichar dekhia kaisa, manahun kalu deh dhari baisa
Kumbhakaran bujha kahu bhai, kahe tav mukh rahe sukhai
Katha kahi sab tehin abhimani, jehi prakar sita hari ani
Tat kapinha sab nisichar mare, mahamaha jodha sanghare
Durmukh suraripu manuj ahari, bhat atikaya akampan bhari
Apar mahodar adik bira, pare samar mahi sab ranadhira

Whole chapter