Ramcharitmanas 60.1

परेउ मुरुछि महि लागत सायक। सुमिरत राम राम रघुनायक।।
सुनि प्रिय बचन भरत तब धाए। कपि समीप अति आतुर आए।।
बिकल बिलोकि कीस उर लावा। जागत नहिं बहु भाँति जगावा।।
मुख मलीन मन भए दुखारी। कहत बचन भरि लोचन बारी।।
जेहिं बिधि राम बिमुख मोहि कीन्हा। तेहिं पुनि यह दारुन दुख दीन्हा।।
जौं मोरें मन बच अरु काया। प्रीति राम पद कमल अमाया।।
तौ कपि होउ बिगत श्रम सूला। जौं मो पर रघुपति अनुकूला।।
सुनत बचन उठि बैठ कपीसा। कहि जय जयति कोसलाधीसा।।

Pareu muruchhi mahi lagat sayak, sumirat ram ram raghunayak
Suni priy bachan bharat tab dhae, kapi samip ati atur ae
Bikal biloki kis ur lava, jagat nahin bahu bhanti jagava
Mukh malin man bhae dukhari, kahat bachan bhari lochan bari
Jehin bidhi ram bimukh mohi kinha, tehin puni yah darun dukh dinha
Jaun moren man bach aru kaya, priti ram pad kamal amaya
Tau kapi hou bigat shram sula, jaun mo par raghupati anukula
Sunat bachan uthi baith kapisa, kahi jay jayati kosaladhisa

Whole chapter