Ramcharitmanas 6.1

अस कौतुक बिलोकि द्वौ भाई। बिहँसि चले कृपाल रघुराई।।
सेन सहित उतरे रघुबीरा। कहि न जाइ कपि जूथप भीरा।।
सिंधु पार प्रभु डेरा कीन्हा। सकल कपिन्ह कहुँ आयसु दीन्हा।।
खाहु जाइ फल मूल सुहाए। सुनत भालु कपि जहँ तहँ धाए।।
सब तरु फरे राम हित लागी। रितु अरु कुरितु काल गति त्यागी।।
खाहिं मधुर फल बटप हलावहिं। लंका सन्मुख सिखर चलावहिं।।
जहँ कहुँ फिरत निसाचर पावहिं। घेरि सकल बहु नाच नचावहिं।।
दसनन्हि काटि नासिका काना। कहि प्रभु सुजसु देहिं तब जाना।।
जिन्ह कर नासा कान निपाता। तिन्ह रावनहि कही सब बाता।।
सुनत श्रवन बारिधि बंधाना। दस मुख बोलि उठा अकुलाना।।

As kautuk biloki dvau bhai, bihansi chale kripal raghurai
Sen sahit utare raghubira, kahi na jai kapi juthap bhira
Sindhu par prabhu dera kinha, sakal kapinha kahun ayasu dinha
Khahu jai phal mul suhae, sunat bhalu kapi jaham taham dhae
Sab taru phare ram hit lagi, ritu aru kuritu kal gati tyagi
Khahin madhur phal batap halavahin, lanka sanmukh sikhar chalavahin
Jaham kahun phirat nisachar pavahin, gheri sakal bahu nach nachavahin
Dasananhi kati nasika kana, kahi prabhu sujasu dehin tab jana
Jinha kar nasa kan nipata, tinha ravanahi kahi sab bata
Sunat shravan baridhi bandhana, das mukh boli utha akulana

Whole chapter