Ramcharitmanas 52.1

देखि पवनसुत कटक बिहाला। क्रोधवंत जनु धायउ काला।।
महासैल एक तुरत उपारा। अति रिस मेघनाद पर डारा।।
आवत देखि गयउ नभ सोई। रथ सारथी तुरग सब खोई।।
बार बार पचार हनुमाना। निकट न आव मरमु सो जाना।।
रघुपति निकट गयउ घननादा। नाना भाँति करेसि दुर्बादा।।
अस्त्र सस्त्र आयुध सब डारे। कौतुकहीं प्रभु काटि निवारे।।
देखि प्रताप मूढ़ खिसिआना। करै लाग माया बिधि नाना।।
जिमि कोउ करै गरुड़ सैं खेला। डरपावै गहि स्वल्प सपेला।।

Dekhi pavanasut katak bihala, krodhavant janu dhayau kala
Mahasail ek turat upara, ati ris meghanad par dara
Avat dekhi gayau nabh soi, rath sarathi turag sab khoi
Bar bar pachar hanumana, nikat na av maramu so jana
Raghupati nikat gayau ghananada, nana bhanti karesi durbada
Astra sastra ayudh sab dare, kautukahin prabhu kati nivare
Dekhi pratap murh khisiana, karai lag maya bidhi nana
Jimi kou karai garur sain khela, darapavai gahi svalpa sapela

Whole chapter