Ramcharitmanas 51.1

कहँ कोसलाधीस द्वौ भ्राता। धन्वी सकल लोक बिख्याता।।
कहँ नल नील दुबिद सुग्रीवा। अंगद हनूमंत बल सींवा।।
कहाँ बिभीषनु भ्राताद्रोही। आजु सबहि हठि मारउँ ओही।।
अस कहि कठिन बान संधाने। अतिसय क्रोध श्रवन लगि ताने।।
सर समुह सो छाड़ै लागा। जनु सपच्छ धावहिं बहु नागा।।
जहँ तहँ परत देखिअहिं बानर। सन्मुख होइ न सके तेहि अवसर।।
जहँ तहँ भागि चले कपि रीछा। बिसरी सबहि जुद्ध कै ईछा।।
सो कपि भालु न रन महँ देखा। कीन्हेसि जेहि न प्रान अवसेषा।।

Kaham kosaladhis dvau bhrata, dhanvi sakal lok bikhyata
Kaham nal nil dubid sugriva, angad hanumant bal sinva
Kahan bibhishanu bhratadrohi, aju sabahi hathi maraum ohi
As kahi kathin ban sandhane, atisay krodh shravan lagi tane
Sar samuh so chharai laga, janu sapachchha dhavahin bahu naga
Jaham taham parat dekhiahin banar, sanmukh hoi na sake tehi avasar
Jaham taham bhagi chale kapi richha, bisari sabahi juddha kai ichha
So kapi bhalu na ran maham dekha, kinhesi jehi na pran avasesha

Whole chapter