UtshovDoha 5
5.1
Chaupai
बाँधि सेतु अति सुदृढ़ बनावा। देखि कृपानिधि के मन भावा।।
चली सेन कछु बरनि न जाई। गर्जहिं मर्कट भट समुदाई।।
सेतुबंध ढिग चढ़ि रघुराई। चितव कृपाल सिंधु बहुताई।।
देखन कहुँ प्रभु करुना कंदा। प्रगट भए सब जलचर बृंदा।।
मकर नक्र नाना झष ब्याला। सत जोजन तन परम बिसाला।।
अइसेउ एक तिन्हहि जे खाहीं। एकन्ह कें डर तेपि डेराहीं।।
प्रभुहि बिलोकहिं टरहिं न टारे। मन हरषित सब भए सुखारे।।
तिन्ह की ओट न देखिअ बारी। मगन भए हरि रूप निहारी।।
चला कटकु प्रभु आयसु पाई। को कहि सक कपि दल बिपुलाई।।
Bandhi setu ati sudrirh banava, dekhi kripanidhi ke man bhava
Chali sen kachhu barani na jai, garjahin markat bhat samudai
Setubandh dhig charhi raghurai, chitav kripal sindhu bahutai
Dekhan kahun prabhu karuna kanda, pragat bhae sab jalachar brinda
Makar nakra nana jhash byala, sat jojan tan param bisala
Aiseu ek tinhahi je khahin, ekanha ken dar tepi derahin
Prabhuhi bilokahin tarahin na tare, man harashit sab bhae sukhare
Tinha ki ot na dekhia bari, magan bhae hari rup nihari
Chala kataku prabhu ayasu pai, ko kahi sak kapi dal bipulai
5.2
Doha/soratha
सेतुबंध भइ भीर अति कपि नभ पंथ उड़ाहिं।
अपर जलचरन्हि ऊपर चढ़ि चढ़ि पारहि जाहिं ॥4॥
Setubandh bhai bhir ati kapi nabh panth urahin
Apar jalacharanhi upar charhi charhi parahi jahin