Ramcharitmanas 46.1

महा महा मुखिआ जे पावहिं। ते पद गहि प्रभु पास चलावहिं।।
कहइ बिभीषनु तिन्ह के नामा। देहिं राम तिन्हहू निज धामा।।
खल मनुजाद द्विजामिष भोगी। पावहिं गति जो जाचत जोगी।।
उमा राम मृदुचित करुनाकर। बयर भाव सुमिरत मोहि निसिचर।।
देहिं परम गति सो जियँ जानी। अस कृपाल को कहहु भवानी।।
अस प्रभु सुनि न भजहिं भ्रम त्यागी। नर मतिमंद ते परम अभागी।।
अंगद अरु हनुमंत प्रबेसा। कीन्ह दुर्ग अस कह अवधेसा।।
लंकाँ द्वौ कपि सोहहिं कैसें। मथहि सिंधु दुइ मंदर जैसें।।

Maha maha mukhia je pavahin, te pad gahi prabhu pas chalavahin
Kahai bibhishanu tinha ke nama, dehin ram tinhahu nij dhama
Khal manujad dvijamish bhogi, pavahin gati jo jachat jogi
Uma ram mriduchit karunakar, bayar bhav sumirat mohi nisichar
Dehin param gati so jiyam jani, as kripal ko kahahu bhavani
As prabhu suni na bhajahin bhram tyagi, nar matimand te param abhagi
Angad aru hanumant prabesa, kinha durga as kah avadhesa
Lankan dvau kapi sohahin kaisen, mathahi sindhu dui mandar jaisen

Whole chapter