Ramcharitmanas 40.1

रिपु के समाचार जब पाए। राम सचिव सब निकट बोलाए।।
लंका बाँके चारि दुआरा। केहि बिधि लागिअ करहु बिचारा।।
तब कपीस रिच्छेस बिभीषन। सुमिरि हृदयँ दिनकर कुल भूषन।।
करि बिचार तिन्ह मंत्र दृढ़ावा। चारि अनी कपि कटकु बनावा।।
जथाजोग सेनापति कीन्हे। जूथप सकल बोलि तब लीन्हे।।
प्रभु प्रताप कहि सब समुझाए। सुनि कपि सिंघनाद करि धाए।।
हरषित राम चरन सिर नावहिं। गहि गिरि सिखर बीर सब धावहिं।।
गर्जहिं तर्जहिं भालु कपीसा। जय रघुबीर कोसलाधीसा।।
जानत परम दुर्ग अति लंका। प्रभु प्रताप कपि चले असंका।।
घटाटोप करि चहुँ दिसि घेरी। मुखहिं निसान बजावहीं भेरी।।

Ripu ke samachar jab pae, ram sachiv sab nikat bolae
Lanka banke chari duara, kehi bidhi lagia karahu bichara
Tab kapis richchhes bibhishan, sumiri hridayam dinakar kul bhushan
Kari bichar tinha mantra drirhava, chari ani kapi kataku banava
Jathajog senapati kinhe, juthap sakal boli tab linhe
Prabhu pratap kahi sab samujhae, suni kapi singhanad kari dhae
Harashit ram charan sir navahin, gahi giri sikhar bir sab dhavahin
Garjahin tarjahin bhalu kapisa, jay raghubir kosaladhisa
Janat param durga ati lanka, prabhu pratap kapi chale asanka
Ghatatop kari chahun disi gheri, mukhahin nisan bajavahin bheri

Whole chapter