UtshovDoha 39
39.1
Chaupai
नारि बचन सुनि बिसिख समाना। सभाँ गयउ उठि होत बिहाना।।
बैठ जाइ सिंघासन फूली। अति अभिमान त्रास सब भूली।।
इहाँ राम अंगदहि बोलावा। आइ चरन पंकज सिरु नावा।।
अति आदर सपीप बैठारी। बोले बिहँसि कृपाल खरारी।।
बालितनय कौतुक अति मोही। तात सत्य कहु पूछउँ तोही।।।
रावनु जातुधान कुल टीका। भुज बल अतुल जासु जग लीका।।
तासु मुकुट तुम्ह चारि चलाए। कहहु तात कवनी बिधि पाए।।
सुनु सर्बग्य प्रनत सुखकारी। मुकुट न होहिं भूप गुन चारी।।
साम दान अरु दंड बिभेदा। नृप उर बसहिं नाथ कह बेदा।।
नीति धर्म के चरन सुहाए। अस जियँ जानि नाथ पहिं आए।।
Nari bachan suni bisikh samana, sabhan gayau uthi hot bihana
Baith jai singhasan phuli, ati abhiman tras sab bhuli
Ihan ram angadahi bolava, ai charan pankaj siru nava
Ati adar sapip baithari, bole bihansi kripal kharari
Balitanay kautuk ati mohi, tat satya kahu puchhaum tohi
Ravanu jatudhan kul tika, bhuj bal atul jasu jag lika
Tasu mukut tumha chari chalae, kahahu tat kavani bidhi pae
Sunu sarbagya pranat sukhakari, mukut na hohin bhup gun chari
Sam dan aru dand bibheda, nrip ur basahin nath kah beda
Niti dharma ke charan suhae, as jiyam jani nath pahin ae
39.2
Doha/soratha
धर्महीन प्रभु पद बिमुख काल बिबस दससीस।
तेहि परिहरि गुन आए सुनहु कोसलाधीस ॥38॥
Dharmahin prabhu pad bimukh kal bibas dasasis
Tehi parihari gun ae sunahu kosaladhis
39.3
Doha/soratha
(((क)।।
परम चतुरता श्रवन सुनि बिहँसे रामु उदार।
समाचार पुनि सब कहे गढ़ के बालिकुमार ॥38(ख)॥
(((Ka)
Param chaturata shravan suni bihanse ramu udar
Samachar puni sab kahe garh ke balikumar, 38(kh)