Ramcharitmanas 2.1

यह लघु जलधि तरत कति बारा। अस सुनि पुनि कह पवनकुमारा।।
प्रभु प्रताप बड़वानल भारी। सोषेउ प्रथम पयोनिधि बारी।।
तब रिपु नारी रुदन जल धारा। भरेउ बहोरि भयउ तेहिं खारा।।
सुनि अति उकुति पवनसुत केरी। हरषे कपि रघुपति तन हेरी।।
जामवंत बोले दोउ भाई। नल नीलहि सब कथा सुनाई।।
राम प्रताप सुमिरि मन माहीं। करहु सेतु प्रयास कछु नाहीं।।
बोलि लिए कपि निकर बहोरी। सकल सुनहु बिनती कछु मोरी।।
राम चरन पंकज उर धरहू। कौतुक एक भालु कपि करहू।।
धावहु मर्कट बिकट बरूथा। आनहु बिटप गिरिन्ह के जूथा।।
सुनि कपि भालु चले करि हूहा। जय रघुबीर प्रताप समूहा।।

Yah laghu jaladhi tarat kati bara, as suni puni kah pavanakumara
Prabhu pratap baravanal bhari, sosheu pratham payonidhi bari
Tab ripu nari rudan jal dhara, bhareu bahori bhayau tehin khara
Suni ati ukuti pavanasut keri, harashe kapi raghupati tan heri
Jamavant bole dou bhai, nal nilahi sab katha sunai
Ram pratap sumiri man mahin, karahu setu prayas kachhu nahin
Boli lie kapi nikar bahori, sakal sunahu binati kachhu mori
Ram charan pankaj ur dharahu, kautuk ek bhalu kapi karahu
Dhavahu markat bikat barutha, anahu bitap girinha ke jutha
Suni kapi bhalu chale kari huha, jay raghubir pratap samuha

Whole chapter