UtshovDoha 121
121.1
Chaupai
तुरत बिमान तहाँ चलि आवा। दंडक बन जहँ परम सुहावा।।
कुंभजादि मुनिनायक नाना। गए रामु सब कें अस्थाना।।
सकल रिषिन्ह सन पाइ असीसा। चित्रकूट आए जगदीसा।।
तहँ करि मुनिन्ह केर संतोषा। चला बिमानु तहाँ ते चोखा।।
बहुरि राम जानकिहि देखाई। जमुना कलि मल हरनि सुहाई।।
पुनि देखी सुरसरी पुनीता। राम कहा प्रनाम करु सीता।।
तीरथपति पुनि देखु प्रयागा। निरखत जन्म कोटि अघ भागा।।
देखु परम पावनि पुनि बेनी। हरनि सोक हरि लोक निसेनी।।
पुनि देखु अवधपुरी अति पावनि। त्रिबिध ताप भव रोग नसावनि।।।
Turat biman tahan chali ava, dandak ban jaham param suhava
Kumbhajadi muninayak nana, gae ramu sab ken asthana
Sakal rishinha san pai asisa, chitrakut ae jagadisa
Taham kari muninha ker santosha, chala bimanu tahan te chokha
Bahuri ram janakihi dekhai, jamuna kali mal harani suhai
Puni dekhi surasari punita, ram kaha pranam karu sita
Tirathapati puni dekhu prayaga, nirakhat janma koti agh bhaga
Dekhu param pavani puni beni, harani sok hari lok niseni
Puni dekhu avadhapuri ati pavani, tribidh tap bhav rog nasavani
121.2
Doha/soratha
सीता सहित अवध कहुँ कीन्ह कृपाल प्रनाम।
सजल नयन तन पुलकित पुनि पुनि हरषित राम ॥120(क)॥
Sita sahit avadh kahun kinha kripal pranam
Sajal nayan tan pulakit puni puni harashit ram, 120(ka)
121.3
Doha/soratha
पुनि प्रभु आइ त्रिबेनीं हरषित मज्जनु कीन्ह।
कपिन्ह सहित बिप्रन्ह कहुँ दान बिबिध बिधि दीन्ह ॥120(ख)॥
Puni prabhu ai tribenin harashit majjanu kinha
Kapinha sahit bipranha kahun dan bibidh bidhi dinha, 120(kh)