UtshovDoha 115
115.1
Chaupai
सुनु सुरपति कपि भालु हमारे। परे भूमि निसचरन्हि जे मारे।।
मम हित लागि तजे इन्ह प्राना। सकल जिआउ सुरेस सुजाना।।
सुनु खगेस प्रभु कै यह बानी। अति अगाध जानहिं मुनि ग्यानी।।
प्रभु सक त्रिभुअन मारि जिआई। केवल सक्रहि दीन्हि बड़ाई।।
सुधा बरषि कपि भालु जिआए। हरषि उठे सब प्रभु पहिं आए।।
सुधाबृष्टि भै दुहु दल ऊपर। जिए भालु कपि नहिं रजनीचर।।
रामाकार भए तिन्ह के मन। मुक्त भए छूटे भव बंधन।।
सुर अंसिक सब कपि अरु रीछा। जिए सकल रघुपति कीं ईछा।।
राम सरिस को दीन हितकारी। कीन्हे मुकुत निसाचर झारी।।
खल मल धाम काम रत रावन। गति पाई जो मुनिबर पाव न।।
Sunu surapati kapi bhalu hamare, pare bhumi nisacharanhi je mare
Mam hit lagi taje inha prana, sakal jiau sures sujana
Sunu khages prabhu kai yah bani, ati agadh janahin muni gyani
Prabhu sak tribhuan mari jiai, keval sakrahi dinhi barai
Sudha barashi kapi bhalu jiae, harashi uthe sab prabhu pahin ae
Sudhabrishti bhai duhu dal upar, jie bhalu kapi nahin rajanichar
Ramakar bhae tinha ke man, mukta bhae chhute bhav bandhan
Sur ansik sab kapi aru richha, jie sakal raghupati kin ichha
Ram saris ko din hitakari, kinhe mukut nisachar jhari
Khal mal dham kam rat ravan, gati pai jo munibar pav na
115.2
Doha/soratha
सुमन बरषि सब सुर चले चढ़ि चढ़ि रुचिर बिमान।
देखि सुअवसरु प्रभु पहिं आयउ संभु सुजान ॥114(क)॥
Suman barashi sab sur chale charhi charhi ruchir biman
Dekhi suavasaru prabhu pahin ayau sambhu sujan, 114(ka)
115.3
Doha/soratha
परम प्रीति कर जोरि जुग नलिन नयन भरि बारि।
पुलकित तन गदगद गिराँ बिनय करत त्रिपुरारि ॥114(ख)॥
Param priti kar jori jug nalin nayan bhari bari
Pulakit tan gadagad giran binay karat tripurari, 114(kh)