Ramcharitmanas 112.1

जय राम सदा सुखधाम हरे। रघुनायक सायक चाप धरे।।
भव बारन दारन सिंह प्रभो। गुन सागर नागर नाथ बिभो।।
तन काम अनेक अनूप छबी। गुन गावत सिद्ध मुनींद्र कबी।।
जसु पावन रावन नाग महा। खगनाथ जथा करि कोप गहा।।
जन रंजन भंजन सोक भयं। गतक्रोध सदा प्रभु बोधमयं।।
अवतार उदार अपार गुनं। महि भार बिभंजन ग्यानघनं।।
अज ब्यापकमेकमनादि सदा। करुनाकर राम नमामि मुदा।।
रघुबंस बिभूषन दूषन हा। कृत भूप बिभीषन दीन रहा।।
गुन ग्यान निधान अमान अजं। नित राम नमामि बिभुं बिरजं।।
भुजदंड प्रचंड प्रताप बलं। खल बृंद निकंद महा कुसलं।।
बिनु कारन दीन दयाल हितं। छबि धाम नमामि रमा सहितं।।
भव तारन कारन काज परं। मन संभव दारुन दोष हरं।।
सर चाप मनोहर त्रोन धरं। जरजारुन लोचन भूपबरं।।
सुख मंदिर सुंदर श्रीरमनं। मद मार मुधा ममता समनं।।
अनवद्य अखंड न गोचर गो। सबरूप सदा सब होइ न गो।।
इति बेद बदंति न दंतकथा। रबि आतप भिन्नमभिन्न जथा।।
कृतकृत्य बिभो सब बानर ए। निरखंति तवानन सादर ए।।
धिग जीवन देव सरीर हरे। तव भक्ति बिना भव भूलि परे।।
अब दीन दयाल दया करिऐ। मति मोरि बिभेदकरी हरिऐ।।
जेहि ते बिपरीत क्रिया करिऐ। दुख सो सुख मानि सुखी चरिऐ।।
खल खंडन मंडन रम्य छमा। पद पंकज सेवित संभु उमा।।
नृप नायक दे बरदानमिदं। चरनांबुज प्रेम सदा सुभदं।।

Jay ram sada sukhadham hare, raghunayak sayak chap dhare
Bhav baran daran sinh prabho, gun sagar nagar nath bibho
Tan kam anek anup chhabi, gun gavat siddha munindra kabi
Jasu pavan ravan nag maha, khaganath jatha kari kop gaha
Jan ranjan bhanjan sok bhayam, gatakrodh sada prabhu bodhamayam
Avatar udar apar gunam, mahi bhar bibhanjan gyanaghanam
Aj byapakamekamanadi sada, karunakar ram namami muda
Raghubans bibhushan dushan ha, krit bhup bibhishan din raha
Gun gyan nidhan aman ajam, nit ram namami bibhun birajam
Bhujadand prachand pratap balam, khal brind nikand maha kusalam
Binu karan din dayal hitam, chhabi dham namami rama sahitam
Bhav taran karan kaj param, man sambhav darun dosh haram
Sar chap manohar tron dharam, jarajarun lochan bhupabaram
Sukh mandir sundar shriramanam, mad mar mudha mamata samanam
Anavadya akhand na gochar go, sabarup sada sab hoi na go
Iti bed badanti na dantakatha, rabi atap bhinnamabhinna jatha
Kritakritya bibho sab banar e, nirakhanti tavanan sadar e
Dhig jivan dev sarir hare, tav bhakti bina bhav bhuli pare
Ab din dayal daya kariai, mati mori bibhedakari hariai
Jehi te biparit kriya kariai, dukh so sukh mani sukhi chariai
Khal khandan mandan ramya chhama, pad pankaj sevit sambhu uma
Nrip nayak de baradanamidam, charanambuj prem sada subhadam

Whole chapter