Ramcharitmanas 109.1

अब सोइ जतन करहु तुम्ह ताता। देखौं नयन स्याम मृदु गाता।।
तब हनुमान राम पहिं जाई। जनकसुता कै कुसल सुनाई।।
सुनि संदेसु भानुकुलभूषन। बोलि लिए जुबराज बिभीषन।।
मारुतसुत के संग सिधावहु। सादर जनकसुतहि लै आवहु।।
तुरतहिं सकल गए जहँ सीता। सेवहिं सब निसिचरीं बिनीता।।
बेगि बिभीषन तिन्हहि सिखायो। तिन्ह बहु बिधि मज्जन करवायो।।
बहु प्रकार भूषन पहिराए। सिबिका रुचिर साजि पुनि ल्याए।।
ता पर हरषि चढ़ी बैदेही। सुमिरि राम सुखधाम सनेही।।
बेतपानि रच्छक चहुँ पासा। चले सकल मन परम हुलासा।।
देखन भालु कीस सब आए। रच्छक कोपि निवारन धाए।।
कह रघुबीर कहा मम मानहु। सीतहि सखा पयादें आनहु।।
देखहुँ कपि जननी की नाईं। बिहसि कहा रघुनाथ गोसाई।।
सुनि प्रभु बचन भालु कपि हरषे। नभ ते सुरन्ह सुमन बहु बरषे।।
सीता प्रथम अनल महुँ राखी। प्रगट कीन्हि चह अंतर साखी।।

Ab soi jatan karahu tumha tata, dekhaun nayan syam mridu gata
Tab hanuman ram pahin jai, janakasuta kai kusal sunai
Suni sandesu bhanukulabhushan, boli lie jubaraj bibhishan
Marutasut ke sang sidhavahu, sadar janakasutahi lai avahu
Turatahin sakal gae jaham sita, sevahin sab nisicharin binita
Begi bibhishan tinhahi sikhayo, tinha bahu bidhi majjan karavayo
Bahu prakar bhushan pahirae, sibika ruchir saji puni lyae
Ta par harashi charhi baidehi, sumiri ram sukhadham sanehi
Betapani rachchhak chahun pasa, chale sakal man param hulasa
Dekhan bhalu kis sab ae, rachchhak kopi nivaran dhae
Kah raghubir kaha mam manahu, sitahi sakha payaden anahu
Dekhahun kapi janani ki naim, bihasi kaha raghunath gosai
Suni prabhu bachan bhalu kapi harashe, nabh te suranha suman bahu barashe
Sita pratham anal mahun rakhi, pragat kinhi chah antar sakhi

Whole chapter