UtshovRamcharitmanas 10.1
कहहिं सचिव सठ ठकुरसोहाती। नाथ न पूर आव एहि भाँती।।
बारिधि नाघि एक कपि आवा। तासु चरित मन महुँ सबु गावा।।
छुधा न रही तुम्हहि तब काहू। जारत नगरु कस न धरि खाहू।।
सुनत नीक आगें दुख पावा। सचिवन अस मत प्रभुहि सुनावा।।
जेहिं बारीस बँधायउ हेला। उतरेउ सेन समेत सुबेला।।
सो भनु मनुज खाब हम भाई। बचन कहहिं सब गाल फुलाई।।
तात बचन मम सुनु अति आदर। जनि मन गुनहु मोहि करि कादर।।
प्रिय बानी जे सुनहिं जे कहहीं। ऐसे नर निकाय जग अहहीं।।
बचन परम हित सुनत कठोरे। सुनहिं जे कहहिं ते नर प्रभु थोरे।।
प्रथम बसीठ पठउ सुनु नीती। सीता देइ करहु पुनि प्रीती।।
Kahahin sachiv sath thakurasohati, nath na pur av ehi bhanti
Baridhi naghi ek kapi ava, tasu charit man mahun sabu gava
Chhudha na rahi tumhahi tab kahu, jarat nagaru kas na dhari khahu
Sunat nik agen dukh pava, sachivan as mat prabhuhi sunava
Jehin baris bandhayau hela, utareu sen samet subela
So bhanu manuj khab ham bhai, bachan kahahin sab gal phulai
Tat bachan mam sunu ati adar, jani man gunahu mohi kari kadar
Priy bani je sunahin je kahahin, aise nar nikaya jag ahahin
Bachan param hit sunat kathore, sunahin je kahahin te nar prabhu thore
Pratham basith pathau sunu niti, sita dei karahu puni priti