Ramcharitmanas 7.1

सुनहु पवनसुत रहनि हमारी। जिमि दसनन्हि महुँ जीभ बिचारी।।
तात कबहुँ मोहि जानि अनाथा। करिहहिं कृपा भानुकुल नाथा।।
तामस तनु कछु साधन नाहीं। प्रीति न पद सरोज मन माहीं।।
अब मोहि भा भरोस हनुमंता। बिनु हरिकृपा मिलहिं नहिं संता।।
जौ रघुबीर अनुग्रह कीन्हा। तौ तुम्ह मोहि दरसु हठि दीन्हा।।
सुनहु बिभीषन प्रभु कै रीती। करहिं सदा सेवक पर प्रीती।।
कहहु कवन मैं परम कुलीना। कपि चंचल सबहीं बिधि हीना।।
प्रात लेइ जो नाम हमारा। तेहि दिन ताहि न मिलै अहारा।।

Sunahu pavanasut rahani hamari, jimi dasananhi mahun jibh bichari
Tat kabahun mohi jani anatha, karihahin kripa bhanukul natha
Tamas tanu kachhu sadhan nahin, priti na pad saroj man mahin
Ab mohi bha bharos hanumanta, binu harikripa milahin nahin santa
Jau raghubir anugrah kinha, tau tumha mohi darasu hathi dinha
Sunahu bibhishan prabhu kai riti, karahin sada sevak par priti
Kahahu kavan main param kulina, kapi chanchal sabahin bidhi hina
Prat lei jo nam hamara, tehi din tahi na milai ahara

Whole chapter