UtshovDoha 54
54.1
Chaupai
नाथ कृपा करि पूँछेहु जैसें। मानहु कहा क्रोध तजि तैसें।।
मिला जाइ जब अनुज तुम्हारा। जातहिं राम तिलक तेहि सारा।।
रावन दूत हमहि सुनि काना। कपिन्ह बाँधि दीन्हे दुख नाना।।
श्रवन नासिका काटै लागे। राम सपथ दीन्हे हम त्यागे।।
पूँछिहु नाथ राम कटकाई। बदन कोटि सत बरनि न जाई।।
नाना बरन भालु कपि धारी। बिकटानन बिसाल भयकारी।।
जेहिं पुर दहेउ हतेउ सुत तोरा। सकल कपिन्ह महँ तेहि बलु थोरा।।
अमित नाम भट कठिन कराला। अमित नाग बल बिपुल बिसाला।।
Nath kripa kari punchhehu jaisen, manahu kaha krodh taji taisen
Mila jai jab anuj tumhara, jatahin ram tilak tehi sara
Ravan dut hamahi suni kana, kapinha bandhi dinhe dukh nana
Shravan nasika katai lage, ram sapath dinhe ham tyage
Punchhihu nath ram katakai, badan koti sat barani na jai
Nana baran bhalu kapi dhari, bikatanan bisal bhayakari
Jehin pur daheu hateu sut tora, sakal kapinha maham tehi balu thora
Amit nam bhat kathin karala, amit nag bal bipul bisala
54.2
Doha/soratha
द्विबिद मयंद नील नल अंगद गद बिकटासि।
दधिमुख केहरि निसठ सठ जामवंत बलरासि ॥54॥
Dvibid mayand nil nal angad gad bikatasi
Dadhimukh kehari nisath sath jamavant balarasi