UtshovDoha 49
49.1
Chaupai
सुनु लंकेस सकल गुन तोरें। तातें तुम्ह अतिसय प्रिय मोरें।।
राम बचन सुनि बानर जूथा। सकल कहहिं जय कृपा बरूथा।।
सुनत बिभीषनु प्रभु कै बानी। नहिं अघात श्रवनामृत जानी।।
पद अंबुज गहि बारहिं बारा। हृदयँ समात न प्रेमु अपारा।।
सुनहु देव सचराचर स्वामी। प्रनतपाल उर अंतरजामी।।
उर कछु प्रथम बासना रही। प्रभु पद प्रीति सरित सो बही।।
अब कृपाल निज भगति पावनी। देहु सदा सिव मन भावनी।।
एवमस्तु कहि प्रभु रनधीरा। मागा तुरत सिंधु कर नीरा।।
जदपि सखा तव इच्छा नाहीं। मोर दरसु अमोघ जग माहीं।।
अस कहि राम तिलक तेहि सारा। सुमन बृष्टि नभ भई अपारा।।
Sunu lankes sakal gun toren, taten tumha atisay priy moren
Ram bachan suni banar jutha, sakal kahahin jay kripa barutha
Sunat bibhishanu prabhu kai bani, nahin aghat shravanamrit jani
Pad ambuj gahi barahin bara, hridayam samat na premu apara
Sunahu dev sacharachar svami, pranatapal ur antarajami
Ur kachhu pratham basana rahi, prabhu pad priti sarit so bahi
Ab kripal nij bhagati pavani, dehu sada siv man bhavani
Evamastu kahi prabhu ranadhira, maga turat sindhu kar nira
Jadapi sakha tav ichchha nahin, mor darasu amogh jag mahin
As kahi ram tilak tehi sara, suman brishti nabh bhai apara
49.2
Doha/soratha
रावन क्रोध अनल निज स्वास समीर प्रचंड।
जरत बिभीषनु राखेउ दीन्हेहु राजु अखंड ॥49(क)॥
Ravan krodh anal nij svas samir prachand
Jarat bibhishanu rakheu dinhehu raju akhand, 49(ka)
49.3
Doha/soratha
जो संपति सिव रावनहि दीन्हि दिएँ दस माथ।
सोइ संपदा बिभीषनहि सकुचि दीन्ह रघुनाथ ॥49(ख)॥
Jo sampati siv ravanahi dinhi diem das math
Soi sampada bibhishanahi sakuchi dinha raghunath, 49(kh)