UtshovDoha 39
39.1
Chaupai
तात राम नहिं नर भूपाला। भुवनेस्वर कालहु कर काला।।
ब्रह्म अनामय अज भगवंता। ब्यापक अजित अनादि अनंता।।
गो द्विज धेनु देव हितकारी। कृपासिंधु मानुष तनुधारी।।
जन रंजन भंजन खल ब्राता। बेद धर्म रच्छक सुनु भ्राता।।
ताहि बयरु तजि नाइअ माथा। प्रनतारति भंजन रघुनाथा।।
देहु नाथ प्रभु कहुँ बैदेही। भजहु राम बिनु हेतु सनेही।।
सरन गएँ प्रभु ताहु न त्यागा। बिस्व द्रोह कृत अघ जेहि लागा।।
जासु नाम त्रय ताप नसावन। सोइ प्रभु प्रगट समुझु जियँ रावन।।
Tat ram nahin nar bhupala, bhuvanesvar kalahu kar kala
Brahma anamay aj bhagavanta, byapak ajit anadi ananta
Go dvij dhenu dev hitakari, kripasindhu manush tanudhari
Jan ranjan bhanjan khal brata, bed dharma rachchhak sunu bhrata
Tahi bayaru taji naia matha, pranatarati bhanjan raghunatha
Dehu nath prabhu kahun baidehi, bhajahu ram binu hetu sanehi
Saran gaem prabhu tahu na tyaga, bisva droh krit agh jehi laga
Jasu nam tray tap nasavan, soi prabhu pragat samujhu jiyam ravan
39.2
Doha/soratha
बार बार पद लागउँ बिनय करउँ दससीस।
परिहरि मान मोह मद भजहु कोसलाधीस ॥39(क)॥
Bar bar pad lagaum binay karaum dasasis
Parihari man moh mad bhajahu kosaladhis, 39(ka)
39.3
Doha/soratha
मुनि पुलस्ति निज सिष्य सन कहि पठई यह बात।
तुरत सो मैं प्रभु सन कही पाइ सुअवसरु तात ॥39(ख)॥
Muni pulasti nij sishya san kahi pathai yah bat
Turat so main prabhu san kahi pai suavasaru tat, 39(kh)