UtshovDoha 20
20.1
Chaupai
ब्रह्मबान कपि कहुँ तेहि मारा। परतिहुँ बार कटकु संघारा।।
तेहि देखा कपि मुरुछित भयऊ। नागपास बाँधेसि लै गयऊ।।
जासु नाम जपि सुनहु भवानी। भव बंधन काटहिं नर ग्यानी।।
तासु दूत कि बंध तरु आवा। प्रभु कारज लगि कपिहिं बँधावा।।
कपि बंधन सुनि निसिचर धाए। कौतुक लागि सभाँ सब आए।।
दसमुख सभा दीखि कपि जाई। कहि न जाइ कछु अति प्रभुताई।।
कर जोरें सुर दिसिप बिनीता। भृकुटि बिलोकत सकल सभीता।।
देखि प्रताप न कपि मन संका। जिमि अहिगन महुँ गरुड़ असंका।।
Brahmaban kapi kahun tehi mara, paratihun bar kataku sanghara
Tehi dekha kapi muruchhit bhayau, nagapas bandhesi lai gayau
Jasu nam japi sunahu bhavani, bhav bandhan katahin nar gyani
Tasu dut ki bandh taru ava, prabhu karaj lagi kapihin bandhava
Kapi bandhan suni nisichar dhae, kautuk lagi sabhan sab ae
Dasamukh sabha dikhi kapi jai, kahi na jai kachhu ati prabhutai
Kar joren sur disip binita, bhrikuti bilokat sakal sabhita
Dekhi pratap na kapi man sanka, jimi ahigan mahun garur asanka
20.2
Doha/soratha
कपिहि बिलोकि दसानन बिहसा कहि दुर्बाद।
सुत बध सुरति कीन्हि पुनि उपजा हृदयँ बिषाद ॥20॥
Kapihi biloki dasanan bihasa kahi durbad
Sut badh surati kinhi puni upaja hridayam bishad