UtshovDoha 6
6.1
Chaupai
कीन्ही प्रीति कछु बीच न राखा। लछमिन राम चरित सब भाषा।।
कह सुग्रीव नयन भरि बारी। मिलिहि नाथ मिथिलेसकुमारी।।
मंत्रिन्ह सहित इहाँ एक बारा। बैठ रहेउँ मैं करत बिचारा।।
गगन पंथ देखी मैं जाता। परबस परी बहुत बिलपाता।।
राम राम हा राम पुकारी। हमहि देखि दीन्हेउ पट डारी।।
मागा राम तुरत तेहिं दीन्हा। पट उर लाइ सोच अति कीन्हा।।
कह सुग्रीव सुनहु रघुबीरा। तजहु सोच मन आनहु धीरा।।
सब प्रकार करिहउँ सेवकाई। जेहि बिधि मिलिहि जानकी आई।।
Kinhi priti kachhu bich na rakha, lachhamin ram charit sab bhasha
Kah sugriv nayan bhari bari, milihi nath mithilesakumari
Mantrinha sahit ihan ek bara, baith raheum main karat bichara
Gagan panth dekhi main jata, parabas pari bahut bilapata
Ram ram ha ram pukari, hamahi dekhi dinheu pat dari
Maga ram turat tehin dinha, pat ur lai soch ati kinha
Kah sugriv sunahu raghubira, tajahu soch man anahu dhira
Sab prakar karihaum sevakai, jehi bidhi milihi janaki ai
6.2
Doha/soratha
सखा बचन सुनि हरषे कृपासिधु बलसींव।
कारन कवन बसहु बन मोहि कहहु सुग्रीव ॥5॥
Sakha bachan suni harashe kripasidhu balasinv
Karan kavan basahu ban mohi kahahu sugriv