UtshovDoha 30
30.1
Chaupai
जो नाघइ सत जोजन सागर । करइ सो राम काज मति आगर ।।
मोहि बिलोकि धरहु मन धीरा । राम कृपाँ कस भयउ सरीरा।।
पापिउ जा कर नाम सुमिरहीं। अति अपार भवसागर तरहीं।।
तासु दूत तुम्ह तजि कदराई। राम हृदयँ धरि करहु उपाई।।
अस कहि गरुड़ गीध जब गयऊ। तिन्ह कें मन अति बिसमय भयऊ।।
निज निज बल सब काहूँ भाषा। पार जाइ कर संसय राखा।।
जरठ भयउँ अब कहइ रिछेसा। नहिं तन रहा प्रथम बल लेसा।।
जबहिं त्रिबिक्रम भए खरारी। तब मैं तरुन रहेउँ बल भारी।।
Jo naghai sat jojan sagar, karai so ram kaj mati agar
Mohi biloki dharahu man dhira, ram kripan kas bhayau sarira
Papiu ja kar nam sumirahin, ati apar bhavasagar tarahin
Tasu dut tumha taji kadarai, ram hridayam dhari karahu upai
As kahi garur gidh jab gayau, tinha ken man ati bisamay bhayau
Nij nij bal sab kahun bhasha, par jai kar sansay rakha
Jarath bhayaum ab kahai richhesa, nahin tan raha pratham bal lesa
Jabahin tribikram bhae kharari, tab main tarun raheum bal bhari
30.2
Doha/soratha
बलि बाँधत प्रभु बाढेउ सो तनु बरनि न जाई।
उभय धरी महँ दीन्ही सात प्रदच्छिन धाइ ॥29॥
Bali bandhat prabhu badheu so tanu barani na jai
Ubhay dhari maham dinhi sat pradachchhin dhai