UtshovRamcharitmanas 3.1
कोसलेस दसरथ के जाए । हम पितु बचन मानि बन आए।।
नाम राम लछिमन दौउ भाई। संग नारि सुकुमारि सुहाई।।
इहाँ हरि निसिचर बैदेही। बिप्र फिरहिं हम खोजत तेही।।
आपन चरित कहा हम गाई। कहहु बिप्र निज कथा बुझाई।।
प्रभु पहिचानि परेउ गहि चरना। सो सुख उमा नहिं बरना।।
पुलकित तन मुख आव न बचना। देखत रुचिर बेष कै रचना।।
पुनि धीरजु धरि अस्तुति कीन्ही। हरष हृदयँ निज नाथहि चीन्ही।।
मोर न्याउ मैं पूछा साईं। तुम्ह पूछहु कस नर की नाईं।।
तव माया बस फिरउँ भुलाना। ता ते मैं नहिं प्रभु पहिचाना।।
Kosales dasarath ke jae, ham pitu bachan mani ban ae
Nam ram lachhiman dauu bhai, sang nari sukumari suhai
Ihan hari nisichar baidehi, bipra phirahin ham khojat tehi
Apan charit kaha ham gai, kahahu bipra nij katha bujhai
Prabhu pahichani pareu gahi charana, so sukh uma nahin barana
Pulakit tan mukh av na bachana, dekhat ruchir besh kai rachana
Puni dhiraju dhari astuti kinhi, harash hridayam nij nathahi chinhi
Mor nyau main puchha saim, tumha puchhahu kas nar ki naim
Tav maya bas phiraum bhulana, ta te main nahin prabhu pahichana