UtshovDoha 24
24.1
Chaupai
सुनहु नील अंगद हनुमाना। जामवंत मतिधीर सुजाना।।
सकल सुभट मिलि दच्छिन जाहू। सीता सुधि पूँछेउ सब काहू।।
मन क्रम बचन सो जतन बिचारेहु। रामचंद्र कर काजु सँवारेहु।।
भानु पीठि सेइअ उर आगी। स्वामिहि सर्ब भाव छल त्यागी।।
तजि माया सेइअ परलोका। मिटहिं सकल भव संभव सोका।।
देह धरे कर यह फलु भाई। भजिअ राम सब काम बिहाई।।
सोइ गुनग्य सोई बड़भागी । जो रघुबीर चरन अनुरागी।।
आयसु मागि चरन सिरु नाई। चले हरषि सुमिरत रघुराई।।
पाछें पवन तनय सिरु नावा। जानि काज प्रभु निकट बोलावा।।
परसा सीस सरोरुह पानी। करमुद्रिका दीन्हि जन जानी।।
बहु प्रकार सीतहि समुझाएहु। कहि बल बिरह बेगि तुम्ह आएहु।।
हनुमत जन्म सुफल करि माना। चलेउ हृदयँ धरि कृपानिधाना।।
जद्यपि प्रभु जानत सब बाता। राजनीति राखत सुरत्राता।।
Sunahu nil angad hanumana, jamavant matidhir sujana
Sakal subhat mili dachchhin jahu, sita sudhi punchheu sab kahu
Man kram bachan so jatan bicharehu, ramachandra kar kaju sanvarehu
Bhanu pithi seia ur agi, svamihi sarba bhav chhal tyagi
Taji maya seia paraloka, mitahin sakal bhav sambhav soka
Deh dhare kar yah phalu bhai, bhajia ram sab kam bihai
Soi gunagya soi barabhagi, jo raghubir charan anuragi
Ayasu magi charan siru nai, chale harashi sumirat raghurai
Pachhen pavan tanay siru nava, jani kaj prabhu nikat bolava
Parasa sis saroruh pani, karamudrika dinhi jan jani
Bahu prakar sitahi samujhaehu, kahi bal birah begi tumha aehu
Hanumat janma suphal kari mana, chaleu hridayam dhari kripanidhana
Jadyapi prabhu janat sab bata, rajaniti rakhat suratrata
24.2
Doha/soratha
चले सकल बन खोजत सरिता सर गिरि खोह।
राम काज लयलीन मन बिसरा तन कर छोह ॥23॥
Chale sakal ban khojat sarita sar giri khoh
Ram kaj layalin man bisara tan kar chhoh