UtshovRamcharitmanas 2.1
आगें चले बहुरि रघुराया। रिष्यमूक परवत निअराया।।
तहँ रह सचिव सहित सुग्रीवा। आवत देखि अतुल बल सींवा।।
अति सभीत कह सुनु हनुमाना। पुरुष जुगल बल रूप निधाना।।
धरि बटु रूप देखु तैं जाई। कहेसु जानि जियँ सयन बुझाई।।
पठए बालि होहिं मन मैला। भागौं तुरत तजौं यह सैला।।
बिप्र रूप धरि कपि तहँ गयऊ। माथ नाइ पूछत अस भयऊ।।
को तुम्ह स्यामल गौर सरीरा। छत्री रूप फिरहु बन बीरा।।
कठिन भूमि कोमल पद गामी। कवन हेतु बिचरहु बन स्वामी।।
मृदुल मनोहर सुंदर गाता। सहत दुसह बन आतप बाता।।
की तुम्ह तीनि देव महँ कोऊ। नर नारायन की तुम्ह दोऊ।।
Agen chale bahuri raghuraya, rishyamuk paravat niaraya
Taham rah sachiv sahit sugriva, avat dekhi atul bal sinva
Ati sabhit kah sunu hanumana, purush jugal bal rup nidhana
Dhari batu rup dekhu tain jai, kahesu jani jiyam sayan bujhai
Pathae bali hohin man maila, bhagaun turat tajaun yah saila
Bipra rup dhari kapi taham gayau, math nai puchhat as bhayau
Ko tumha syamal gaur sarira, chhatri rup phirahu ban bira
Kathin bhumi komal pad gami, kavan hetu bicharahu ban svami
Mridul manohar sundar gata, sahat dusah ban atap bata
Ki tumha tini dev maham kou, nar narayan ki tumha dou