Ramcharitmanas 17.1

बरषा बिगत सरद रितु आई। लछिमन देखहु परम सुहाई।।
फूलें कास सकल महि छाई। जनु बरषाँ कृत प्रगट बुढ़ाई।।
उदित अगस्ति पंथ जल सोषा। जिमि लोभहि सोषइ संतोषा।।
सरिता सर निर्मल जल सोहा। संत हृदय जस गत मद मोहा।।
रस रस सूख सरित सर पानी। ममता त्याग करहिं जिमि ग्यानी।।
जानि सरद रितु खंजन आए। पाइ समय जिमि सुकृत सुहाए।।
पंक न रेनु सोह असि धरनी। नीति निपुन नृप कै जसि करनी।।
जल संकोच बिकल भइँ मीना। अबुध कुटुंबी जिमि धनहीना।।
बिनु धन निर्मल सोह अकासा। हरिजन इव परिहरि सब आसा।।
कहुँ कहुँ बृष्टि सारदी थोरी। कोउ एक पाव भगति जिमि मोरी।।

Barasha bigat sarad ritu ai, lachhiman dekhahu param suhai
Phulen kas sakal mahi chhai, janu barashan krit pragat burhai
Udit agasti panth jal sosha, jimi lobhahi soshai santosha
Sarita sar nirmal jal soha, sant hriday jas gat mad moha
Ras ras sukh sarit sar pani, mamata tyag karahin jimi gyani
Jani sarad ritu khanjan ae, pai samay jimi sukrit suhae
Pank na renu soh asi dharani, niti nipun nrip kai jasi karani
Jal sankoch bikal bhaim mina, abudh kutumbi jimi dhanahina
Binu dhan nirmal soh akasa, harijan iv parihari sab asa
Kahun kahun brishti saradi thori, kou ek pav bhagati jimi mori

Whole chapter