UtshovDoha 13
13.1
Chaupai
उमा राम सम हित जग माहीं। गुरु पितु मातु बंधु प्रभु नाहीं।।
सुर नर मुनि सब कै यह रीती। स्वारथ लागि करहिं सब प्रीती।।
बालि त्रास ब्याकुल दिन राती। तन बहु ब्रन चिंताँ जर छाती।।
सोइ सुग्रीव कीन्ह कपिराऊ। अति कृपाल रघुबीर सुभाऊ।।
जानतहुँ अस प्रभु परिहरहीं। काहे न बिपति जाल नर परहीं।।
पुनि सुग्रीवहि लीन्ह बोलाई। बहु प्रकार नृपनीति सिखाई।।
कह प्रभु सुनु सुग्रीव हरीसा। पुर न जाउँ दस चारि बरीसा।।
गत ग्रीषम बरषा रितु आई। रहिहउँ निकट सैल पर छाई।।
अंगद सहित करहु तुम्ह राजू। संतत हृदय धरेहु मम काजू।।
जब सुग्रीव भवन फिरि आए। रामु प्रबरषन गिरि पर छाए।।
Uma ram sam hit jag mahin, guru pitu matu bandhu prabhu nahin
Sur nar muni sab kai yah riti, svarath lagi karahin sab priti
Bali tras byakul din rati, tan bahu bran chintan jar chhati
Soi sugriv kinha kapirau, ati kripal raghubir subhau
Janatahun as prabhu pariharahin, kahe na bipati jal nar parahin
Puni sugrivahi linha bolai, bahu prakar nripaniti sikhai
Kah prabhu sunu sugriv harisa, pur na jaum das chari barisa
Gat grisham barasha ritu ai, rahihaum nikat sail par chhai
Angad sahit karahu tumha raju, santat hriday dharehu mam kaju
Jab sugriv bhavan phiri ae, ramu prabarashan giri par chhae
13.2
Doha/soratha
प्रथमहिं देवन्ह गिरि गुहा राखेउ रुचिर बनाइ।
राम कृपानिधि कछु दिन बास करहिंगे आइ ॥12॥
Prathamahin devanha giri guha rakheu ruchir banai
Ram kripanidhi kachhu din bas karahinge ai